2 Mel 23:5 - JAM DE NHIALIC 2011

⁵ Ku cop guc ke yiëth ɣɔn cïï melik ke Juda ke kuany, bïk yiëth aa nyuöp wal ŋïr në ɣään thöny në wuöt ke Juda yiic, ku Jeruthalem kɔ̈u ciëën. Ku nyiɛɛi guc ee Baal nyuöp wal ŋïr aya, ku guc ke akɔ̈l, ku guc ke pɛɛi ku guc ke kuɛl nhial ëbɛ̈n.

2 Mel 23:5 ပူးပေါင်းရင်းမြစ်များ

2 Mel 21:5

Ku yïk yïïk ye ke kuɛl lam thïn në për kaarou ke Luaŋdïtic.

2 Lëk 33:3

Acï kake läm ë yiëth bɛ nyɔk ë yïk, ka ɣɔn cïï wun Ɣedhekia keek dhuɔŋ piny. Acï yïk ke Baal yïk, ku cuëëc kïn de yanh tik Acera, ku lɛm kuɛl.

2 Lëk 34:4

Go kɔc yöök bïk yïk ye ë Baal lam thïn jäp piny, ku bïk yïk ye wal ŋïr nyop thïn thuöör piny. Ku nömkï kïn de yanh tik Acera ku lɔ yiëth kɔ̈k, ku guärkï keek abïk ciët abuui ku jɔkï abuui wɛɛr ë rɛ̈ŋ ke kɔc wään ee keek lam nïïm, ku yek keek gäm miɔ̈c.

Jop 38:32

Duɛ̈ɛ̈rë kuɛl amäi ku nɔn ye kek kuɛl aruɛ̈l tiit, ku nyuööthë kuɛl dït ku jɔ ya kuɛl thii cɔlke yï Dipper?

Edhekiɛl 8:6

Go Bɛ̈nydït lɛ̈k ɛn an, “Mɛnh ë raan, cï kë loi rɔt tïŋ? Tïŋ karɛc looi ë baai de Yithriɛl keek ee tënë, aceeckï yɛn të mec aläl kekë tëdiën ɣeric. Yïn bï kajuëc ke ayäär wär ee kakë tïŋ.”

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Dhep 1:4

“Yɛn bï agönhdï wɛ̈l nɔm kɔc cieŋ Jeruthalem, ku lɔ raan tɔ̈u ë Juda ëbɛ̈n. Yɛn bï yïk lik cï döŋ ke yanh cɔl Baal nyaai nyïïn taitai, ku nyaai gucken nyïïn ayï bäny ke kake Nhialic cï röt pɔ̈k në läm de yiëth yiic ke ke cïï bï bɛ piŋ rin.