2 Mel 23:4 - JAM DE NHIALIC 2011

⁴ Go melik Ɣilikia bɛ̈nydïït ë kake Nhialic yɔ̈ɔ̈k, ku bäny ke kake Nhialic lɔ në yecök, ku kɔc ee kal ë Luaŋdït tiit thok, bïk ka ye Baal lam nu ɣön ë Bɛ̈nydïtic bɛ̈ɛ̈i bei ëbɛ̈n, ayï kake Acera, ku kake läm de kuɛl. Acï melik ke bɛ̈n nyop ëbɛ̈n në Jeruthalem thok biic, wun thiääk ke Wak de Kidron, ku jɔt ŋenhden leer Bethel.

2 Mel 23:4 ပူးပေါင်းရင်းမြစ်များ

2 Tham 15:23

Go kɔc dhiau kedhie ë röldït të wën tëëk jël ë Debid kekë kɔcke. Na wën ke melik ë tem nyin ë Kidron lee lɔŋ tui, ku kuany cök në kɔcke, ku jɔkï jäl kedhie ke ke lɔ në jɔ̈ɔ̈ric.

1 Mel 12:29

Go tök tääu Bethel ku tɛ̈ɛ̈u tök Dan.

1 Mel 15:13

Ku nyiɛɛi kokke Maaka në nyin ë tiiŋ melikic, në luɔi cï yen rɔt luöi yanh tik cɔl Acera, Yanh ee kɔc tɔ dhiëth. Go Atha yath jäp piny ku le nyop ë mac në Wak ë Kidronic.

1 Mel 16:31

Abïï ciët kë rɔ̈ŋ ke yen në baŋ bïï en awäny cït këde melik Jerobowam bɛ looi, acï lɔ ku thiɛɛk Jedhebel, nyan de melik Ethabaal de Thidon ku lɛ̈ŋ Baal.

1 Mel 18:19

Ku ënɔɔnë, määtë kɔc ke Yithriɛliic ku tɔ ke biɔɔth ɛn ë kuur ë Karmel nɔm, ku bɛ̈ɛ̈iyë tït ke Baal ayadäŋ bot kaŋuan ku thiërdhïc 450, ku tït ke Acera bot kaŋuan 400, kɔc mät në Jedhebel.”

1 Mel 18:26

Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

1 Mel 18:40

Go Elija lɛ̈k keek, an, “Damkï tït ke Baal, duökï de töŋ takï bän.” Go kɔc ke dɔm kedhie, ku lee ë Elija ke piny në nyin ë Kicon le ke nɔ̈k ëtɛ̈ɛ̈n.

1 Mel 19:18

Ku yɛn cï rɔt bɔ̈th aguum kadhorou 7,000 në Yithriɛl, kɔc kën kemiɔl tuök Baal ëbɛ̈n, ku kënkï ciim ë kethook.”

2 Mel 10:26

ku jötkï mën yaath ë tɔ̈u luaŋ de Baal bei, ku nyopkï.

2 Mel 12:10

Na lek wëu tïŋ ke ke cï juëc në athändukic, ke raan ee këriëëc de melik gɔ̈ɔ̈r nyin bɔ̈ kekë bɛ̈nydïït ë kake Nhialic, ku kuenkï ke, ku dutkï wëu cï yök ë Luaŋdït yic në anyɔŋɔɔ.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 21:3

Ë ɣään thöny nyɔk në yïk, ka ɣɔn cïï Ɣedhekia ke riɔ̈ɔ̈k, ku lui Baal yïk kekë yanh tiiŋ cɔl Acera cït luɔi de Aɣap melik de Yithriɛl, ku ye kuɛl lam ku luuikï ke.

2 Mel 21:5

Ku yïk yïïk ye ke kuɛl lam thïn në për kaarou ke Luaŋdïtic.

2 Mel 21:7

Ku tɛ̈ɛ̈u kïn de yanh tik cɔl Acera ë Luaŋdïtic të ɣɔn cï Bɛ̈nydït thɔ̈n Debid kekë wëndɛn Tholomon an: “Në Jeruthalemic eenë, ë Luaŋdïtic, ee yen cä lɔc në dhiëën ke Yithriɛl yiic ëbɛ̈n, ke ee të bïï ë Yɛn aa lam aɣet athɛɛr.

2 Mel 22:4

“Lɔ tëde Ɣilikia bɛ̈nydïït ë kake Nhialic bïï kuën de wëu nyooth, wëu ye bäny ke kake Nhialic lui ë Luaŋdït thok juaar tëde kɔc.

2 Mel 23:12

Ku dhoŋ yïïk nu ɣön ë Aɣadh nɔm nhial, ka ɣɔn looi ë meliik ke Juda, ku yïïk ɣɔn looi ë melik Manatha në aguuk kaarou nu në për ke Luaŋdït yic, acï ke thɛ̈l bei ëbɛ̈n, ku dhiɛc ke yiic ku weer aromden në Wak de Kidronic.

2 Mel 23:15

Ayadäŋ ë yïïŋ de läm de Bethel ɣɔn yïk ë Jerobowam wën ë Nebat jäp piny, raan ɣɔn tɔ kɔc ke Yithriɛl wäc. Ku mot keek abïk aa rop, ku nyop yanh tiiŋ cɔl Acera.

2 Mel 25:18

Ku jɔt bɛ̈ny de kɔc ee melik de Babilon tiit Theraya bɛ̈nydïït ë kake Nhialic, ku Dhepania bɛ̈ny de rou de kake Nhialic, ku bäny kɔ̈k kadiäk de naamden ee luui Luaŋdïtic.

2 Lëk 15:16

Na wën ke melik Atha ë nyiɛɛi kokke Maaka tëde man tiiŋ melik, në biäk cïï yen rɔt luöi yanh tiiŋ cɔl Acera, yanh ee kɔc tɔ dhiëth. Ago melik Atha yath kiɛp piny, ku tɔ temë ëbɛ̈n, ku lee nyop ë Wak de Kidron yic.

2 Lëk 33:3

Acï kake läm ë yiëth bɛ nyɔk ë yïk, ka ɣɔn cïï wun Ɣedhekia keek dhuɔŋ piny. Acï yïk ke Baal yïk, ku cuëëc kïn de yanh tik Acera, ku lɛm kuɛl.

2 Lëk 33:7

Ku tɛ̈ɛ̈u kë cï cuëëc ë ɣön ë Nhialicic, të cïï Bɛ̈nydït Nhialic lɛ̈k Debid ku wënde Tholomon an: “Në Jeruthalem eenë, në ɣön ë Bɛ̈nydïïtë, yen ee të cä lɔc në wuöt ke dhiëën ke Yithriɛl yiic ëbɛ̈n kathiëër ku rou, ke ee të bï ë Yɛn aa lam thïn.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Jeremia 52:24

Ku mat ee kakë cök, Nebudharadan bɛ̈ny ë rem de tɔŋ, acï ee kɔckë jɔt ke ke mac yï: Theraya bɛ̈ny tueŋ de kakë Nhialic, ku Dhepania bɛ̈ny lɔ në yecök, ku kɔc kɔ̈k kadiäk, bäny de naamden Luaŋdït.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Edhekiɛl 8:6

Go Bɛ̈nydït lɛ̈k ɛn an, “Mɛnh ë raan, cï kë loi rɔt tïŋ? Tïŋ karɛc looi ë baai de Yithriɛl keek ee tënë, aceeckï yɛn të mec aläl kekë tëdiën ɣeric. Yïn bï kajuëc ke ayäär wär ee kakë tïŋ.”

Ɣodh 4:15

“Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Amoth 4:4

Go Bɛ̈nydït Awärjäŋ lueel an, “Kɔc ke Yithriɛl lak Bethel wun ɣeric, ku luɔikï kërac, ku lakï Gilgal ku bɛkï kërac ŋuak nyin në luɔi. Wek ee miɔ̈cdun bɛ̈ɛ̈i aköölnyïïn kedhie, ku bɛ̈ɛ̈ikï töŋ thiëër ë käŋ ë ceŋ në kööl ye akööl diäk.

Dhep 1:4

“Yɛn bï agönhdï wɛ̈l nɔm kɔc cieŋ Jeruthalem, ku lɔ raan tɔ̈u ë Juda ëbɛ̈n. Yɛn bï yïk lik cï döŋ ke yanh cɔl Baal nyaai nyïïn taitai, ku nyaai gucken nyïïn ayï bäny ke kake Nhialic cï röt pɔ̈k në läm de yiëth yiic ke ke cïï bï bɛ piŋ rin.

Math 26:3

Go bänydït ke ka ke Nhialic ku kɔc ë löŋ gɔ̈ɔ̈r ku röördït ë kɔc yiic, agokï guëër ë kalic kal ë bɛ̈nydïït ë kake Nhialic bɛ̈ny cɔl Kayapath,

Math 27:1

Na ɣɔn amiäk aruu piny, ke bänydït ke kake Nhialic kedhie ku röördït ë kɔc yiic ke ke mɛ̈t kethook Yecu kapäc an, bïk tɔ näk.

Jɔn 18:1

Na wën, aacï Yecu kakë lueel, ke lɔ biic kekë kɔckɛn ë piööcë, lek ku temkï nyin cɔl Kidron, ku dom anu lɔɔk ëtɛ̈ɛ̈n, ago lɔ thïn, yen kekë kɔckɛn ë piööcë.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.