2 Mel 23:36 - JAM DE NHIALIC 2011

³⁶ Jeɣoyakim aaye run thiërrou ku dhïc ɣɔn dɔm en bääny ke ye melik de Juda, go bääny muk ë Jeruthalem në ruöön thiëër ku tök. Man acɔl Dhebida, nyan de Pedaya në wun cɔl Ruma.

2 Mel 23:36 ပူးပေါင်းရင်းမြစ်များ

1 Lëk 3:15

ku Jothia ade wɛ̈ɛ̈t kaŋuan, Joɣanan yen ee kɛ̈i, ku lɔ Jeɣoyakim, ku Dhedekia, ku Jowaɣadh.

2 Lëk 36:5

Jeɣoyakim aaye run thiërrou ku dhïc ɣɔn dɔm en bääny ke ye melik de Juda, go bääny muk ë Jeruthalem në run kathiëër ku tök. Acï karɛc looi në Bɛ̈nydït Nhialicde nɔm.

Jeremia 1:3

Ku be jam ke yen, wään ye Jothia wën de Jeɣoyakim melik. Na ɣɔn ee kake cök, go Bɛ̈nydït jɔ aa jam kekë yen raan juëc, agut cï ruöön de thiëër ku tök, në bääny de Dhedekia yic wën de Jothia. Ku në pɛɛi de dhïc në ye ruöönë yic, kɔc ke Jeruthalem acï ke bɛ̈n peec.

Jeremia 22:18

Ago Bɛ̈nydït lueel në biäk de Jeɣoyakim wën de Jothia, melik de Juda an, “Acïn raan bï dhiau ë thonde yic, ku cïn raan bï ye lueel an, ‘Mɛ̈thädï! Eeŋö rɛɛc yen aya!’ Acïn raan bï ye dhiëëu ku cïn raan dhiau an, ‘Bɛ̈nydï! Melikdï!’

Jeremia 22:19

Täuden piɛth, abï thɛl wei cï mul cï thou, ku cuɛtë wei ë kal ë Jeruthalem thok.”

Jeremia 26:1

Wään cï Jeɣoyakim wën de Jothia aa melik ë Juda,

Danyel 1:1

Në ruöön de diäk ɣɔn ye Jeɣoyakim melik de Juda, go Nebukadnedhar melik de Babilon, tɔŋ lɛɛr Jeruthalem ku took cil.