2 Mel 23:19 - JAM DE NHIALIC 2011

¹⁹ Go yïïk ke läm ke ɣään thöny nu në wuöt ke Thamaria yiic riɔ̈ɔ̈k, yïïk ɣɔn looi ë meliik ke Yithriɛl keek ëbɛ̈n, ka wään tɔ Bɛ̈nydït göth arëët, acï melik Jothia ke bɛ̈n nyaai, aa lui ke kë cït kë cï looi në Bethel.

2 Mel 23:19 ပူးပေါင်းရင်းမြစ်များ

1 Mel 12:31

Ku yïk Jerobowam ɣööt ke läm në ɣään thöny nïïm. Ku kuɛny bäny ke kake Nhialic në kɔciic ëbɛ̈n, kɔc cie Lebai.

1 Mel 13:32

Jamdɛn cï yen cööt në löŋ ë Bɛ̈nydït ke jiëëm yïïŋ de Bethel ku ɣään ke läm nu ë pɛ̈ɛ̈nydït ke Thamaria yiic abï rɔt looi cït man cï yen ye lueel.”

1 Mel 16:33

Aɣap acï yanh tik Acera guaŋ ku tɛ̈ɛ̈u nhial. Acï kajuëc looi bïï yen ke Bɛ̈nydït, Nhialic de Yithriɛl tɔ göth, awär meliik ke Yithriɛl ɣɔn kɔn bɛ̈n në yenɔm tueŋ.

2 Mel 17:9

Kɔc ke Yithriɛl acïk kërac luöi Bɛ̈nydït Nhialicden në cuëër, ka cïï piɛth. Acïk röt yiëk ɣään thöny ke läm ë yiëth, në wuöt dït yiic ëbɛ̈n ayï wuöt kor.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 8:18

Tiiŋde aaye nyan ë Aɣap, ka baaide acït baai de Aɣap. Acï karɛc looi në Bɛ̈nydït nɔm,

2 Lëk 31:1

Na wën cï luɔi de dhuëëŋ thök, ke kɔc ke Yithriɛl ë ke lɔ ë wuöt ke Juda yiic kedhie, ku dhoŋkï mën ke kur piny, ku yepkï kïït ke yanh tik Acera piny, ku riäkkï yïk, ku ɣään ye kɔc ke yiëth lam thïn. Ku loikï ee kënë ë wuöt ke kɔ̈k ke Juda yiic, ku bɛ̈i kɔ̈k ke yï Benjamin, ku Eparaim, ku Manatha, ku jɔkï kenïïm bɛ̈n pɔ̈k ë bɛ̈iken yiic.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”