2 Mel 23:14 - JAM DE NHIALIC 2011

¹⁴ Go melik Jothia mën ke kur dhuööŋ, ku yep kïït ke yanh tik cɔl Acera piny, ku löök ɣäänkɛn ë kɛ̈ɛ̈c kek thïn thiɔ̈ɔ̈ŋiic në yom ke kɔc.

2 Mel 23:14 ပူးပေါင်းရင်းမြစ်များ

2 Mel 18:4

Acï ɣään thöny nyaai, ku dhoŋ mëën yaath piny, ku yep yanh tiiŋ cɔl Acera piny. Ku dhuuŋ kërɛɛc de maläŋ ɣɔn bïï Mothe looi ayadäŋ, ku aa ye cɔl Neɣuctan. Agut cï aköölkë, kɔc ke Yithriɛl aake ye wal ŋïr nyop dhuëëŋ kek en.

2 Mel 23:16

Na wën lɔ melik Jothia ye nyin wɛl ë kuur nɔm, ke tïŋ rɛ̈ŋ ëtɛ̈ɛ̈n, go kɔc tuɔɔc bïk yom lɔ wɛ̈t biic ë rɛ̈ŋiic, ku nyop ke në yïk nɔm, ago yïk nhiany, cït man ɣɔn cï raan de Nhialic ë caar ë kake ye lueel.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Bɛ̈n 34:13

Jäpkï yïïkken piny, ku riäkkï mënkɛn ɣeriic, ku riäkkï yïïŋ de Acera yanhden.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 44:19

Kɔc ee yiëth looi acïkï ee tak ayï miɔ̈n bïk lueel an, “Biäk de tim acä dɛ̈ɛ̈p. Yɛn cï kuïn cï pam thaal, ku nyuɔp rïŋ ku cam. Ku biäk däŋ de tim acän ke yath luööi. Ku yakï gut a nɔm piny në tim dït nɔm!”

Edhekiɛl 6:5

Yɛn bï gup ke kɔc ke Yithriɛl cï thou wɛɛr piny, yɛn bï yomken wɛɛr piny ëbɛ̈n në yïk kɔ̈ɔ̈th.

Maika 1:7

Yɛn bï yiëthke dhuööŋ abï ciɛ̈n tök, ka abïk riäär liŋliŋ. Ku nyuɔp këriëëcdɛn cïk gäm yiëth piny ëbɛ̈n në mac. Në biäk ë yök ë Thamaria miɔ̈cde në läm de yiëth, miɔ̈cdɛn ë läm de yiëth abä ke bɛ tɔ jɔt ë kɔc ee yiëth lam cït keek ayadäŋ.

Kuɛ̈n 19:16

Ku të cïï raan raan cï nɔ̈k jak roor, ku nɔn ee raan ë thou, ku nɔn cï yuɔɔm de raan jak, ku nɔn ë jak raŋ, raanë abï guöp dɛ acuɔl në nïn kadhorou.

Kuɛ̈n 19:18

Ku ëtɛ̈ɛ̈n, raan ɣeric ë nöm ɣathop, ku jool në pïïu, ku yoor paany, ku këriëëc tɔ̈u thïn ëbɛ̈n, ayï kɔc tɔ̈u thïn. Ku nɔn ee raan ë jak yuɔɔm ë raan, ku nɔn ë jak raŋ.

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Nyöŋ 7:5

Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.