2 Mel 23:11 - JAM DE NHIALIC 2011

¹¹ Ku nyiɛɛi jöŋgöör ɣɔn cïï meliik ke Juda gäm yanhdɛn cɔl akɔ̈l, ɣɔn tɔ̈u ë Luaŋdït thok të le kɔc luɛɛk, të thiääk ke ɣön ë Nathan Melek bɛ̈ny tueŋ de rem de tɔŋ, ku nyop abëël ke jöŋgöör ɣɔn ye kɔc akɔ̈l lam.

2 Mel 23:11 ပူးပေါင်းရင်းမြစ်များ

2 Mel 23:5

Ku cop guc ke yiëth ɣɔn cïï melik ke Juda ke kuany, bïk yiëth aa nyuöp wal ŋïr në ɣään thöny në wuöt ke Juda yiic, ku Jeruthalem kɔ̈u ciëën. Ku nyiɛɛi guc ee Baal nyuöp wal ŋïr aya, ku guc ke akɔ̈l, ku guc ke pɛɛi ku guc ke kuɛl nhial ëbɛ̈n.

1 Lëk 26:18

Të thiääk kekë ɣön ye käŋ tɔ̈ɔ̈u thïn, ade kɔc ee tïït kaŋuan të lɔ kueer thok baŋ lɔ aköl athɛ̈i, ku kɔc ee tïït kaarou ë ɣön ye käŋ tɔ̈ɔ̈u thïn.

2 Lëk 14:5

Në biäk cï yen ɣään ke läm de yiëth nyaai në Juda yic, ku nyiɛɛi të ye wal ŋïr nyop. Go ciɛɛŋ jɔ dɛ mät në bäänyde yic.

2 Lëk 34:4

Go kɔc yöök bïk yïk ye ë Baal lam thïn jäp piny, ku bïk yïk ye wal ŋïr nyop thïn thuöör piny. Ku nömkï kïn de yanh tik Acera ku lɔ yiëth kɔ̈k, ku guärkï keek abïk ciët abuui ku jɔkï abuui wɛɛr ë rɛ̈ŋ ke kɔc wään ee keek lam nïïm, ku yek keek gäm miɔ̈c.

Jop 31:26

ku na ë ya cï a cin täär akɔ̈l, ku nɔn ee pɛɛi në läkdïïtde,

Edhekiɛl 40:17

Go raan ɛn jɔt tëëk ɛn në kal thok leer ɛn në kal yic. Aade ɣööt kathiërdiäk cï ke yiëk ë päny kɔ̈u biic, ku në kenïïm tueŋ ade të thiin cï yiu në kur,

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.