2 Mel 22:19 - JAM DE NHIALIC 2011

¹⁹ ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

2 Mel 22:19 ပူးပေါင်းရင်းမြစ်များ

1 Mel 21:29

“Kënë tïŋ luɔi cï Aɣap rɔt kuɔɔr piny në Yanɔm? Nɔn cï yen ee kënë looi Yɛn cïï riääk bï bɛ yiɛ̈n en në akööl ke pïïrde yic, Yɛn bï riääk bɛ̈ɛ̈i baai de Aɣap në akööl ke wɛ̈ɛ̈tke yiic.

2 Mel 19:20

Na wën, ke Yithaya, ë tuc melik Ɣedhekia thok, nyuth bëër cïï Bɛ̈nydït lɔ̈ŋde bɛ̈ɛ̈r

2 Mel 20:5

an, “Pɔ̈kë yïnɔm Ɣedhekia melik de kɔc ke Bɛ̈nydït, ku lɛ̈kë yen an, ‘Yɛn Bɛ̈nydït Nhialic de kuaar Debid, Yɛn cï lɔ̈ŋdu piŋ, ku tiëŋ dhiënduön cïï yïn dhiau. Yïn bä tɔ waar guöp. Në kööl ë diäk yïn bï lɔ Luaŋdït ë Bɛ̈nydït.

2 Mel 22:11

Na wën aa lɔ melik jamde awerek de löŋ piŋ, go lupɔɔ ke rɛtiic në jiɛthëpiɔ̈u.

2 Lëk 32:26

Na ɣɔn ciëën, ke Ɣedhekia kekë kɔc ke Jeruthalem acïk röt bɛ̈n kuɔɔr piny, go Bɛ̈nydït piɔ̈u kok ke keek, ku akën keek bɛ̈n luöi këtuc agut thon de Ɣedhekia cök.

2 Lëk 33:12

Na wën aa cï gum arëët, go rɔt kuɔɔr piny ku puk rɔt Bɛ̈nydït Nhialicde, ku lim bïï yen kony.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Neɣe 1:4

Na wën aa la ee kakë piŋ, guɔ nyuc piny ku dhiaau. Ja nïn lɛɛr ke ya dhiau ku rɛɛc cäm ke ya läŋ Nhialic de paannhial, luɛɛl an,

Neɣe 8:9

Na wën ale kɔc e piŋ yen kë kɔɔr ë löŋ, goke gut piɔ̈ɔ̈th arëët abïk duɛ̈ɛ̈r an dhiaukï. Go Neɣemia bɛ̈ny de baai ku Edhera bɛ̈ny de kake Nhialic, ku ee bɛ̈ny ee lööŋ wɛ̈ɛ̈t ku kɔc ke Lebai wën ee löŋ wɛ̈ɛ̈ric kɔc ëbɛ̈n, acïk lueel an, “Köölë ee kööl ɣeric tëde Bɛ̈nydït Nhialicdun ka wek cïï piɔ̈ɔ̈th bï jiɛth thïn, ku nɔn dhiaukï.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Diɛt 51:19

Ëtɛ̈ɛ̈n Yïn bï piɔ̈u jɔ miɛt në miɔ̈c de piathëpiɔ̈u kekë miɔ̈c ye nyop ëbɛ̈n, ku miöör abï ke nɔ̈k në yïïŋdu nɔm.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Yith 46:12

“Piɛŋkï këdï, wek kɔc ril nïïm, kɔc ee ye tak nɔn mec ë tiëm aläl.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 36:13

Acï Mikaya ke lɛ̈k këriëëc ëbɛ̈n kë cï piŋ, ke kuën ë Baruk kɔc.

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Kuɛ̈n 25:6

Ku ëtɛ̈ɛ̈n, raan de Yithriɛl tök acï nyan ë kɔc ke Midian bɛ̈ɛ̈i baaide aköl ke woi ë Mothe, ku woi ë akutnɔm de kɔc ke Yithriɛl kedhie, ke ke dhiau në paany de mät thok.

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Bäny 20:26

Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.

1 Tham 24:5

Ku ëtɛ̈ɛ̈n Debid ë piɔ̈u guɔ wït,