2 Mel 20:3 - JAM DE NHIALIC 2011

³ “Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

2 Mel 20:3 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 5:22

Ku ëtɛ̈ɛ̈n, Eenok ë kake Nhialic piɔ̈u bɛ̈n aa looi në bot kadiäk ë run. Go mïth kɔ̈k bɛ dhiëëth, mïthwät ku duet.

Cäk 5:24

Aa thöl pïïrde ke luui Nhialic, go lɔ cut piny mɛ̈ɛ̈r, në luɔi ë cï Nhialic ye jɔt.

Cäk 8:1

Ku Nhialic akën nɔm määr në Nowa, kekë ka nu abëlic në yen ë tök kedhie. Go Nhialic yom tɔ put në piny nɔm, go pïïu dëu cak.

1 Mel 11:4

ku na ɣɔn cïï Tholomon dhiɔp acïk yen bɛ̈n pɔ̈k piɔ̈u në läm de yiëth yiic. Akën Bɛ̈nydït Nhialicde riëëu, cït man ye wun Debid ye looi.

1 Mel 15:14

Na cakaa nɔn kën ë Atha ɣään ke yiëth riɔ̈ɔ̈k kedhie, aaye ŋoot ke adöt tëde Bɛ̈nydït në pïïrde yic ëbɛ̈n.

1 Mel 2:4

Na lɔ ee kënë looi, ke Bɛ̈nydït abï löŋdɛn wään cï thɔ̈n ɛn döt ɣɔn lueel en en an, na lɔ käudu rëër në rëër rɔ̈ŋ ke täu duëër kek rëër, ku kuanykï Yacök në piɔ̈nden ëbɛ̈n, ku në wëiken ëbɛ̈n, ke yïn bï dɛ mïth bï aa meliik në thööny de Yithriɛl nɔm.

1 Mel 3:6

Go Tholomon bɛ̈ɛ̈r an, “Yïn cï nhiëër agɔk nyuöth wäär Debid raanduön ee Yï luööi, cït man ee yen cath ë kuɛɛrku yiic në yic, ku në piathëpiɔ̈u. Yïn ŋoot ke Yï döt nhiëërduön agɔk wekë yen, në kë cïï Yïn en yiɛ̈n mɛwä bï nyuc në thöönyde nɔm, cït ee köölë.

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

1 Mel 8:61

Ku wek kɔcke, yak rëër ke we piɛthpiɔ̈ɔ̈th në Bɛ̈nydït Nhialicda, yak lööŋke, ku wëëtde riëëu ëbɛ̈n, cït man cä wek e looi ee köölë.”

1 Mel 9:4

Ku yïn, të le yïn A kuany cök në piathëpiɔ̈u ku riëëu de Nhialic, cït man ɣɔn ye wuur Debid e looi, ku ye lööŋkï döt aköölnyïïn ku loi ka cä lɛ̈k yïn,

2 Mel 20:2

Go Ɣedhekia ye nyin guöt piny në päny kɔ̈u ku lɛ̈ŋ an,

2 Mel 20:4

Go Yithaya melik nyääŋ piny, ku të ŋoot en ke kën ɣön ë bääny reet yic, ke jam de Bɛ̈nydït bɔ̈ tëde yen

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Neɣe 13:14

Nhialicdï tak Yïnɔm në këriëëc cä luöi ɣön ë Bɛ̈nydïïtdu, ku lɔ̈ŋde.

Neɣe 13:22

Ku yɔ̈ɔ̈k kɔc ke Lebai bïk ke gup tɔ ɣer, ku bïk thook ke ë pänydït lɔ tiit, ke kööl ë Thabath bï tɔ̈u ke ye kööl ɣeric. Nhialic tak Yïnɔm në yɛn, në biäk ee kënë, ku kokëpiɔ̈u we yɛn ë baŋ dïït ë nhiëërduön agɔk.

Neɣe 13:31

Ku kiëët tiim juëc ye ke miɔ̈c nyop, ke ke bï aa bɛ̈ɛ̈i në thaar wën kɔɔrë ke, ku biäk de kɔc bïk miɔ̈ckɛn ë rɛɛp ë kɔn luɔk kekë mïth ke tiim cï kɔn luɔk aa bɛ̈ɛ̈i. Nhialic, tak Yïnɔm në ee kënë ëbɛ̈n, ku gämë yɛn ariöp në këde.

Neɣe 5:19

Yïn läŋ, Yïn Nhialic, ye ka cä luöi ë kɔckë tak ke ke ye ariöpdiën de athiɛɛi.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 1:8

Go Bɛ̈nydït Catan thiëëc an, “De të cïn Jop tïŋ, raandiën ee Ya luööi ku piŋ A thok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.”

Jop 16:20

kɔc man get a guöpë ayek määthkï, ka yɛn ë pïïu lɔ̈ny Nhialic,

Jop 4:6

Ku yïn ee raan ee Nhialic lam ku yïn ee raan adöt, eeŋö cïn kääc në aŋäthdu yic aril.

Diɛt 102:9

Yɛn ee ŋeth cam ke ye kuïn, ku pïïu ke yɛn nyin ayek liääp në pïïu ke dɛ̈k,

Diɛt 119:26

Yɛn cï awɛ̈ɛ̈c cä keek looi gam, ku Yïn cï yɛn piŋ thok. Ku wɛ̈ɛ̈të yɛn ë kuɛɛrku.

Diɛt 119:49

Tak yïnɔm ë gutguut cï lɛ̈k yɛn, yɛn awundu acï yɛn gäm aŋäth.

Diɛt 145:18

Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 25:7

Du de këdu yic thïn wekë awɛ̈ɛ̈c ɣɔn yan meth. Tak ɛn në biäk de nhiëërduön agɔk në luɔi Yïn piɔ̈u kok, Bɛ̈nydït.

Diɛt 26:1

Bɛ̈nydït tɔ yɛn ee raan piɛth, në biäk yan këpiɛth looi, ku ŋääth Yïn ë piɔ̈ndï ëbɛ̈n.

Diɛt 26:3

Në luɔi ye nhiëërduön agɔk ya wat, ku piɔ̈nduön adöt ee ya caath, yɛn rɛ̈ɛ̈r ë riëëudu yic ë ceŋ.

Diɛt 32:2

Thieithieei në raan ye Bɛ̈nydït tïŋ ke cïn kë cï wööc, raan cïn guöp lueth.

Diɛt 39:13

Päl ɛn yatök aguɔ piɔ̈u bɛ miɛt tëthiinakäŋ, të kɛ̈n ɛn kɔn jäl ku cä bï bɛ tɔ̈u.

Diɛt 6:6

Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

Diɛt 6:7

Yɛn cï nyin tuööp, ku buutë yanyin në dhiën cïï kɔc ke aterdï ya tɔ dhiau.

Diɛt 89:47

Ye Yïnɔm tak në luöi lik ë nïnkiën ke pïïr, ku ŋic aya, nɔn cï Yïn wo cak ke wo ye kɔc tei!

Diɛt 89:50

Du nɔm mär në lɛ̈ɛ̈t cï ya läät, yɛn awundu, ayï luöi cän aciɛɛn de kɔc kuc yïn guum.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Yith 63:11

Ku ëtɛ̈ɛ̈n acïk kenïïm bɛ̈n tak në kathɛɛr, në akööl ɣɔn ke Mothe, awun de Bɛ̈nydït, gokï aa thiëëc an, “Tɔ̈u Bɛ̈nydït ë nou ënɔɔnë, raan ɣɔn kony bäny ke kɔc ke në wɛ̈ɛ̈r yic? Tɔ̈u Bɛ̈nydït ë nou, raan ɣɔn cï wëidït ɣerke gäm Mothe?

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Amoth 5:4

Aye Bɛ̈nydït lɛ̈k baai de Yithriɛl an, “Bä të nu Yɛn, ku yïn bï pïïr.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.