2 Mel 20:12 - JAM DE NHIALIC 2011

¹² Në ë kaamë yic, melik de Babilonia, Merodak Baladan wën ë Baladan ë awerek de miɛtëpiɔ̈u ku miɔ̈c tuöc melik Ɣedhekia ɣɔn cï yen e piŋ nɔn cï yen guöp dɛ juäi ku cï guöp pial.

2 Mel 20:12 ပူးပေါင်းရင်းမြစ်များ

Cäk 10:10

Ɣɔn tueŋ gɔl ë ciɛɛŋde rɔt, aa cieŋ Babel kekë Eerek, ku Akat. Ku wuötkë kedhie kadiäk, anukï piny ë Babilonia.

Cäk 11:9

Ku ëtɛ̈ɛ̈n, yen aa jɔ rin ke ee wunë bɛ̈n aa cɔɔl an Babel. Në luɔi cï Bɛ̈nydït thoŋ ë kɔc ke piny nɔm ëbɛ̈n liääpic ëtɛ̈ɛ̈n. Ku thiëi keek ë piny nɔm ëbɛ̈n.

2 Tham 10:2

Go melik Debid lueel an, “Naɣac aa riëëu ɛn arëët, ka yɛn bï wëndɛn Ɣanun dhil riëëu aya.” Go Debid tuucke tɔ lɔ bïk Ɣanun lɔ duut piɔ̈u në biäk de thon ë wun. Na wën cï bäny ke rem ë tɔŋ ë Debid lɔ piny de kɔc ke Ammon,

2 Tham 8:10

Go Tɔi Joram wënde tuöc melik Debid, bï lɔ gäm lɛc, ë biäk cïï yen Ɣadadedher tiaam. Ku Ɣadadedher aa ke cï thɔ̈ɔ̈r kekë Tɔi raan juëc. Ago Joram Debid yiɛ̈n miɔ̈c cï looi në adhääp, ku ateek, ku maläŋ.

2 Lëk 32:25

Ku Ɣedhekia acï nɔm bɛ̈n dït ku akën dhuëëŋ de piɔ̈u nyuöth Bɛ̈nydït në kë cï luöi en, ago Juda kekë Jeruthalem bɛ̈n nuan në këde.

2 Lëk 32:31

Ayï ɣɔn bïï tuuc wään bɔ̈ ë Babilon bɛ̈n, bïk kë de gäi cï tuöl pinyden bɛ̈n kɔɔric, go Nhialic Ɣedhekia gäm nɔm riɛl, bï cath ë kueerde, ago täude them.

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Yith 14:4

Të looi yen ee kënë, abïk melik de Babilonia aa dɔl guöp ku lueelkï an, “Melik de guöp akuöörkuöör ë wïïk! Acïn raan bïï bɛ yɔŋ!