2 Mel 2:8 - JAM DE NHIALIC 2011

⁸ Na wën, ke Elija ë nöm lupɔde, ku dolic, ku jɔ pïïu yup yiic, ago pïïu keyiic tek tɛ̈n ku tɛ̈n, ago Elija kekë Elica tem kaarou tëkkï tëril.

2 Mel 2:8 ပူးပေါင်းရင်းမြစ်များ

1 Mel 19:13

Na wën, aacï Elija ye piŋ, ke dut e nyin ë lupɔdɛn ë kɔ̈u, ku le biic, le kɔ̈ɔ̈c ë kök thok. Go röl bɛ̈n tëde yen, lueel, an, “Eeŋö loi eenë, Elija?’

1 Mel 19:19

Go jäl ëtɛ̈ɛ̈n le ku yök Elica wën ë Capat apur në miöör cï ke rek yiëth në tiim, miöör kathiëër ku rou, ku apur në miɔɔr wën ee kek thiëër ku rou. Go Elija tëëk ë yelɔ̈ɔ̈m le ku cuët lupɔde ë yekɔ̈u.

2 Mel 2:14

Go lupɔ wën cï lööny piny tëde Elija nööm ku be en pïïu yup yiic, ku lueel an, “Nu ënou ënɔɔnë yen Bɛ̈nydït Nhialic de Elija.” Go pïïu keyiic tek në rou, go Elica tëëk ke lɔ lɔŋ tui.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Yith 11:15

Bɛ̈nydït abï Baar ë Thueth tɔ dëu, ku abï yom tuc bɛ̈ɛ̈i ku tɔ wɛ̈ɛ̈r ë Yuparat tɔ dëu, ku nyiëëŋ nyïïn thiiakäŋ kadhorou piny, ago raan ëbɛ̈n keek aa teem ke ke lɔ lɔɔk.

Ɣeberuu 11:29

Aa ye gäm de yic aŋäth yen aa tɔ kɔc ke Yithriɛl tem Wɛ̈ɛ̈r Thith kɔ̈u ke ye tëril ciɛth kek, na wën aa them kɔc ke Rip en, ke ke jɔ pïïu guɔ mät nïïm ku moukï kedhie.

Ɣeberuu 11:37

Ku ye ke biɔ̈ɔ̈k në kur ku temë kakë kɔ̈ɔ̈th në rou, aake ye nɔ̈k në abätɛ̈ɛ̈u, aake rɛ̈ɛ̈r ke ke kuanynyïïn ku acïn kë ceŋkï ë kekɔ̈ɔ̈th, ee biɔŋ ke thök bɔɔth ku amɛ̈l kek aa ceŋkï, aake ye yɔŋ ku kucë ke luööi.

Nyuuth 16:12

Ku luuŋ dhetemden gulde ë wɛ̈ɛ̈r ë Yuparatic, go pïïuke dëu, ke kueer bï luöi meliik bɔ̈ të lɔ aköl amiäk.

1 Tham 28:14

Ago Thaulo thiëc an, “Ye tïŋ ke thöŋ ke ŋö? Go tik bɛ̈ɛ̈r an, “Ee monydïït cï dhiɔp bɔ̈ nhial piny, ke ceŋ alulut dïït bäär.” Na wën ke jɔ Thaulo guɔ ŋic nɔn yen Thamwɛl, ago yenɔm guöt piny në riëëu.