2 Mel 19:37 - JAM DE NHIALIC 2011

³⁷ Na ɣɔn ë kööl tök, të lɛ̈m en luaŋ ë yanhdɛn Nithrokic, go wɛ̈ɛ̈tke kaarou yï Adramelek ku Caredher nɔ̈k në abätɛ̈ɛ̈u. Gokï bɛ̈n kat ke ke lɔ piny de Ararat, ago Etharɣadon wënde lɔ në nyinde yic ke ye melik.

2 Mel 19:37 ပူးပေါင်းရင်းမြစ်များ

Cäk 8:4

Ku në kööl ë ye pɛɛi ye pɛ̈i dhorou thok thiëër ku dhorou, ke abël ë jak kur nïïm, kur ke kuur cɔl Ararat.

2 Mel 17:31

ku kɔc ke Yiwa, acïk röt luöi yiëth ke Nibadh ku Tartak, ku jɔ kɔc ke Theprapiam mïthken aa gam ke ke ye miɔ̈c nyupë yanh cɔl Adramelek ku Anamelek, ku yanh tiiŋ cɔl Theprapiam.

2 Mel 18:30

Ku duökï Ɣedhekia bï tɔ duöŋ week, ke we bï Bɛ̈nydït ŋɔ̈ɔ̈th, ku bäk lueel an, bï Bɛ̈nydït we kony, ku bïï rem de tɔŋ de Athiriyada tɔ kääc në luɔi bï kek pänydïïtdun dɔm.

2 Mel 18:5

Ɣedhekia aa ŋäth Bɛ̈nydït Nhialic de Yithriɛl, ku aa cïn melik ë cït en ɣɔn tueŋ, ku acïn melik cï bɛ̈n ciët en wään ciëën.

2 Mel 19:10

lueel an, “Lɛ̈kkï Ɣedhekia melik de Juda an, “Du rɔt tɔ mɛth ë Nhialicduön yak ŋɔ̈ɔ̈thë, në luɛl Yen E lɛ̈k week an cïï Jeruthalem bïï dɔm në melik de Athiriya.

2 Mel 19:17

Wodhie aŋicku Bɛ̈nydït nɔn cïï melik de Athiriya juöör juëc riɔ̈ɔ̈k, abï kɔc pinyden pɔ̈l,

2 Mel 19:31

Abï dɛ kɔc bï döŋ apïr ë Jeruthalem ku kuur ë Dhiɔn, cït man cïï Bɛ̈nydït e lueel an bï rɔt looi.

2 Mel 19:7

Bɛ̈nydït abï melik de Athiriya tɔ piŋ thoŋ lɔ riäuriäu bï yen tɔ puk enɔm wunden, ku abïï Bɛ̈nydït tɔ lɔ näk ëtɛ̈ɛ̈n.”

2 Lëk 32:14

Ee nɛn yen cïï yiëth ke juöörkë wuötken kony në wook, wuöt wään bïï wäär ke riɔ̈ɔ̈k? Ku eeŋö tɔ week tɔ tak en nɔn duëër ë yiëthkun week kony?

2 Lëk 32:19

Ku aa ke ye jam në biäk de Nhialic de Jeruthalem në kueer ye kek jam në këde yiëth ke kɔc kɔ̈k, yiëth ë cuëc keek ë cin.

2 Lëk 32:21

Go Bɛ̈nydït tunynhial tuööc ku nɛ̈k rem de tɔŋ ku bäny ke rem ë tɔŋ de Athiriya. Go melik yenɔm pɔ̈k Athiriya ke cï yäär. Na ɣɔn ë kööl tök ke tɔ̈u ë luaŋ yaathde yic, go nɔ̈k në abätäu në wɛ̈ɛ̈tke.

Edhr 4:2

Gokï lɔ tëde Dherubabel ku röördït ke dhiëën nïïm ku lëkkï keek an, “Tɔ wok yïk në week, në baŋ ee wok Nhialicdun lam cït man ë wek, ku aa yok näk, gɔl ɣɔn tɔ̈u Etharɣadon Melik de Athiriya, wään bïï wook ee tënë.”

Jeremia 51:27

“Gamë kïn bïï ë mɛk! Kuɔthkï kaaŋ ago ë juöör piŋ! Guiɛɛrkï juöör në tɔŋ bïk thɔ̈ɔ̈r ë Babilonia! Lɛ̈kë ciɛɛŋ ke Ararat, ku Minni, ku Acekenadh bïk mɛk looi. Kuanykï bɛ̈ny de tɔŋ bï tɔŋ de mɛk wat. Bɛ̈ɛ̈ikï jöŋgöör cït tëŋ de kɔyɔm.

Nyöŋ 32:31

Në biäk cïï ë kuurden cït Kuurda, ayï kɔc ke aterda ee kek ee löŋ guiir.