2 Mel 19:34 - JAM DE NHIALIC 2011

³⁴ Yɛn bï ee pänydïïtë kony ku gɛ̈l, në biäk de dhuëëŋ, ku në biäk de thön cä gäm lïmdï Debid.”

2 Mel 19:34 ပူးပေါင်းရင်းမြစ်များ

1 Mel 15:4

Ku në biäk de Debid, Bɛ̈nydït acï Abijam bɛ̈n gäm mɛwä bï lɔ̈ɔ̈k aa melik në nyinde yic në Jeruthalem, ke bï Jeruthalem gël.

2 Mel 20:6

Ku yïn bä ŋuak në run kathiëër ku dhïc kɔ̈k bï yïn ke bɛ pïïr. Ku yïn bä luök wekë pänydïït ë Jeruthalem, në melik de Athiriya. Ku Yɛn bï ee pänydïïtë kony, në biäk de dhuëëŋdï, ku në biäk de löŋdiën cä mac wokë Debid lïmdï.”

2 Mel 8:19

ku Bɛ̈nydït akën gam bïï Juda riɔ̈ɔ̈k, në luɔi cïï yen e thön Debid awunde, luɔi bïï käude aa bäny aɣet athɛɛr.

Yith 31:5

Bɛ̈nydït de rɛm abï göör ë Jeruthalem nɔm ke gël cït man ye dit göör ë mïthke kɔ̈ɔ̈th ke ke gël.”

Yith 38:6

Ku yïn bä kony wek ee pänydïït ë Jeruthalem në melik de Athiriya, ku gɛ̈l pänydït.”

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Yith 48:11

Kë ya looi, aa looi në biäk de guöpdï, yɛn cïï rinkï bï tɔ yäär, ku cä raan däŋ tɔ rɔm dhuëëŋ ke yɛn, abï dhil aa këdï yatök, ku ye këdï yatök.”

Yith 48:9

“Ke kɔc ë ke bï rinkï leec, yɛn cï agönhdï dɔm ku bɛ kɔn takic, abä yök ke mɔ̈k ku cä we riäk.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 33:21

Ku yen acït luöi cän löŋ mac wo awundï Debid, nɔn bï yen nɔm aa dɛ kuatdɛn töŋ bï aa melik ë ceŋ, ku Yɛn cï löŋ mac wökë bäny ke kakë Nhialic de dhiën ë Lebi, nɔn bï kek Yɛn aa luööi ë ceŋ, ku kek ee lööŋ cï macë acïï ke duëërë dhoŋ kɔ̈ɔ̈th.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Edhekiɛl 36:22

“Ënɔɔnë gämë baai de Yithriɛl jam luɛɛl Yɛn Bɛ̈nydït Awärjäŋ në biäkden: kë bä lɔ looi acie biäkdun wek ke baai de Yithriɛl, ee biäk de Rinkiën ɣer yiic, rin cäk keek yɔ̈ɔ̈r në juöör yiic ëbɛ̈n ɣään cä wek lɔ thïn.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.

Epethiei 1:14

Yen aye biäk cï kɔn gäm wook tueŋ, biäk de kë buk lɔ̈ɔ̈k lak, aɣet wëër bï kë cï ɣɔɔc wɛ̈ɛ̈r bei ëtaitai, ke dhuëëŋde bï leec.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny