2 Mel 18:6 - JAM DE NHIALIC 2011

⁶ Yen aaye adöt tëde Bɛ̈nydït, ku akën kɔn rɛɛc thok, ku aaye lööŋ ɣɔn cïï Bɛ̈nydït ke gäm Mothe döt apiɛth.

2 Mel 18:6 ပူးပေါင်းရင်းမြစ်များ

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 17:19

Ayï kɔc ke Juda aya akënkï lööŋ ke Bɛ̈nydït Nhialicden riëëu, acïk täu rɛɛc cïï kɔc ke Yithriɛl looi dɔmic.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Yith 38:3

“Tak Yïnɔm Bɛ̈nydït në luɔi ë yan ye them anandï bä aa raan adöt ku bä aa raan ee këde piɔ̈ndu looi.” Ku jɔ Ɣedhekia dhiau arëët.

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jɔn 14:15

Të nhiaar wek ɛn, ke we döt lööŋ thɔ̈n week.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 15:10

Të dɔ̈t wek lööŋ cä thɔ̈n week, ke we bï rëër ë nhiëërdï yic, cït man cän lööŋ cï wäär a thɔn döt, aguɔ rëër ë nhiëërde yic.

Jɔn 15:14

Wek ee määthkï, të ya wek ka cä thɔ̈n week looi.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Jocua 23:8

Bɛ̈nydït Nhialicdun yen kuanykï cök anandun, cït man ya wek en kuany cök ë caaŋdun agut cï ënɔɔnë.

1 Jɔn 5:3

Nhiëër ë Nhialic kï, dön ee wok lööŋke döt: ku lööŋke acïkï ril.