2 Mel 18:3 - JAM DE NHIALIC 2011

³ Acï këpiɛth looi në Bɛ̈nydït nɔm, cït ka ɣɔn ye Debid kuɛɛrë looi.

2 Mel 18:3 ပူးပေါင်းရင်းမြစ်များ

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

1 Mel 11:4

ku na ɣɔn cïï Tholomon dhiɔp acïk yen bɛ̈n pɔ̈k piɔ̈u në läm de yiëth yiic. Akën Bɛ̈nydït Nhialicde riëëu, cït man ye wun Debid ye looi.

1 Mel 15:11

Atha acï këpiɛth looi në Bɛ̈nydït nɔm, kë cït kë cï kuɛɛrë Debid looi.

1 Mel 15:5

Bɛ̈nydït aa loi ee kënë në luɔi cï Debid yen tɔ mit piɔ̈u, ku acïn löŋdɛn cï kɔn dhoŋ kɔ̈u, ee këde tiiŋ de Yuria yetök raan ë Ɣit.

1 Mel 3:14

Ku të bï yïn aa cath ë kuɛɛrkï yiic, ku bä jamdï ku lööŋkï ya döt cït man ɣɔn ee wuur Debid cath, ke Yɛn bï aköölku ŋuak nyïïn.

2 Mel 12:3

Ku yen aa kën ɣään thöny guɔ riɔ̈ɔ̈k ayadäŋ, ku kɔc aake ŋoot ke ke ye miɔ̈c näk lɔ gam, ku wal ŋïr ke tool ëtɛ̈ɛ̈n.

2 Mel 14:3

Acï këpiɛth looi në Bɛ̈nydït nɔm, ku aa cïï cït kuɛɛrë Debid, aa loi kë cït kë cï wun Jowac looi.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

2 Mel 22:2

Acï këpiɛth looi në Bɛ̈nydït nɔm, ku ciɛth ë kueer ë Debid yic, akën rɔt yal ë biäk cam ayï cuëc.

2 Lëk 29:2

Acï këpiɛth looi në Bɛ̈nydït nɔm, ka cït ka wään cï kuɛɛrë Debid ke looi.

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Diɛt 119:128

Yen akuany ɛn wëëtdu cök, yɛn man kuɛɛr rac ëbɛ̈n.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Yith 38:3

“Tak Yïnɔm Bɛ̈nydït në luɔi ë yan ye them anandï bä aa raan adöt ku bä aa raan ee këde piɔ̈ndu looi.” Ku jɔ Ɣedhekia dhiau arëët.

Romai 7:12

Yen tëde ka, löŋ aɣeric ë yic, ku cöök de löŋ aɣeric, ku diik, ku piɛth.

Epethiei 6:1

Wek mïth, yak ka ke kɔc ë dhiëth week piŋ ë Bɛ̈nydïtic: kënë dï, yen apiɛth.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 6:18

Luɔikï ke cïï Bɛ̈nydït lueel, ee yic ku apiɛth, ku käŋ kedhie abïk piath tëde week. Wek bï piny piɛth nööm, paan wään cïï Bɛ̈nydït thɔ̈n kuarkun.