2 Mel 18:11 - JAM DE NHIALIC 2011

¹¹ Go melik de Athiriya kɔc ke Yithriɛl peec leerë ke Athiriya, ku tɔ kɔ̈k rɛ̈ɛ̈r wun cɔl Ɣala, ku tëthiääk ke Kiir de Ɣabor piny de Godhan, ku tɛ̈ɛ̈u kɔ̈k në wuöt ke Media yiic.

2 Mel 18:11 ပူးပေါင်းရင်းမြစ်များ

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 19:11

Acï piŋ yen kë cïï melik de Athiriya luöi wut ëbɛ̈n, wun cï lueel an riëëk, yak tak duɛ̈ɛ̈rkï poth?

2 Mel 21:8

Ku na lɔ kɔc ke Yithriɛl wëëtdï riëëu, ku dötkï lööŋkiën cä gäm awundï Mothe, ka acä keek bï tɔ copë wei piny wään bä gäm kuarken.”

2 Mel 23:27

Acïï Bɛ̈nydït lueel an, “Yɛn bï Juda luöi kë cït kë wään bä luöi Yithriɛl: Yɛn bï kɔc ke Juda nyaai në Yanyin, ku rɛɛc Jeruthalem, wun cä lɔc, ku Luaŋdït, të wään luɛɛl an bïï Ya lam thïn.”

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Yith 10:11

Yɛn ë Thamaria riɔ̈ɔ̈k kekë yiëthke ëbɛ̈n, ku yɛn bï kë cït ee kënë luöi Jeruthalem kekë ka cï guaŋ ye lam ëtɛ̈ɛ̈n.”

Yith 10:5

Go Bɛ̈nydït lueel an, “Athiriya! Yɛn cï Athiriya tɔ ee thieny bän kɔc göth ë yɛn luöi këtuc.

Yith 36:2

Ku ëtɛ̈ɛ̈n ë Rabcaka bɛ̈ny tueŋ ë remdɛn ë tɔŋ bɛ̈n tuɔɔc Jeruthalem në Lacic kekë remdïït de tɔŋ, akɔɔrkï bï melik Ɣedhekia rɔt gäm keek. Ago bɛ̈ny ë rem de tɔŋ kueer ye kɔc ee kɔ̈ɔ̈c ë lupɔɔ lui thïn nööm, të lɔ nyin ee pïïu bɛ̈ɛ̈i në wak nu të thöny.

Yith 37:12

Juöör ɣɔn cïï kuarkuɔ ke kɔn riɔ̈ɔ̈k cït yï Godhan ku Ɣaran ku Redhep, ku nɛ̈k kɔc ke Betheden ɣɔn rɛ̈ɛ̈r ë Telathar, ku acïn yanhdɛn töŋ cï juöör bɛ̈n kony.

Yith 7:8

Në biäk de ŋö? Thiriya acïï be riɛl awär pänydïïtde Damathko, ku Damathko acïï be riɛl awär melik Redhin. Ku në biäk de Yithriɛl, në run kathiërdhetem ku dhïc yiic, abï dhiac ka bï riääk ka cï bï bɛ aa jur.

Yith 8:4

Të ŋoot ë meth ke koor kë kën guɔ cööt an, ‘Baba Mama,’ kajuëc ke Damathko ëbɛ̈n ku ka cï yak ë Thamaria ëbɛ̈n, abï keek jɔt ëbɛ̈n në melik de Athiriya.”

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Amoth 2:6

Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Amoth 5:6

Bä tëde Bɛ̈nydït, ku yïn bï pïïr. Na cïï bɔ̈, Yɛn bï paan ë Jothep dap nap wei ëbɛ̈n cït man ë mac. Ku Bethel abï ciët kë cï ɣɔ̈k many cïn raan lëu en në liiu.

Luɔi 7:43

Aa ye paany de yanh cɔl Molek yen ë ɣääckï, ku damkï kuel de yanhduön Repan, ka cäk cuëëc ayek yiëth bäk ke aa lam. Ku ënɔɔnë, we bä lɛɛr ë Babilon baŋ tui.’