2 Mel 17:8 - JAM DE NHIALIC 2011

⁸ ku yek cath në ciɛɛŋ de juöör kɔ̈kiic, juöör ɣɔn cop ë Bɛ̈nydït wei në Yithriɛl nɔm, go meliik ke Yithriɛl ciɛɛŋden dɔmic.

2 Mel 17:8 ပူးပေါင်းရင်းမြစ်များ

1 Mel 12:28

Na wën aacï ciët, ke cuëc miöör ke adhääp kaarou, ku lëk kɔcke, an, “Wek ë cieŋ aläl ke we ye lɔ Jeruthalem, ku ënɔɔnë kɔc ke Yithriɛl, yiëthkun kï, yiëth wään bïï we bei paan ë Rip!”

1 Mel 21:26

Acï kërɛɛc mɛɛn Bɛ̈nydït looi, në luɔi yen yiëth lam, cït kë ɣɔn ye kɔc ke Amor looi, kɔc ɣɔn cïï Bɛ̈nydït thiäi wei në Yithriɛl nɔm).

2 Mel 16:10

Na ɣɔn aa lɔ melik Aɣadh lɔ Damathko le Tiglath Pilethar melik de Athiriya loor nɔm, go yïïŋ tɔ̈u ë Damathko tïŋ, go melik Aɣadh Yuria bɛ̈ny de kake Nhialic tuöc täu de ee yïïŋë, ayï kathii akäŋ në biäkde acï ke tuɔɔc.

2 Mel 16:3

Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 17:19

Ayï kɔc ke Juda aya akënkï lööŋ ke Bɛ̈nydït Nhialicden riëëu, acïk täu rɛɛc cïï kɔc ke Yithriɛl looi dɔmic.

2 Mel 17:40

Ku keek akënkï gam, acïk bɛ̈n ŋoot ke ke kuany ciɛɛŋdɛn thɛɛr cök.

2 Mel 21:2

Acï kërac looi në Bɛ̈nydït nɔm, cït karɛc ɣɔn ye juöör ke looi, juöör ɣɔn bïï Bɛ̈nydït cop në kɔc ke Yithriɛl nïïm.

Diɛt 106:35

Ku acïk bɛ̈n liääp ku thiakkï juöör, ku dɔmkï ciɛɛŋ de kɔc kuc Nhialic.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Jeremia 10:2

Acï lueel an, “Duökï kuɛɛr ke juöör kɔ̈k ee kuany cök, ku duökï nïïm ee mum në ka göök ya keek tïŋ nhial, cakaa nɔn ye juöör kɔ̈k riɔ̈ɔ̈c.

Edhekiɛl 5:6

Ku kɔc ke Jeruthalem acïk lööŋkï rɛɛc ku nyooth luɔi rɛɛc kek awär juöör kɔ̈k, ayek a rɛɛc awär juöör thiääk në yen. Jeruthalem acï yöökdï rɛɛc ku jiëi lööŋkï.

Ɣodh 5:11

Yithriɛl ayɔŋ, acï dumic në baŋ kuɛny en ɣääriic cök.

Lebai 18:3

Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.