2 Mel 17:6 - JAM DE NHIALIC 2011

⁶ Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 17:6 ပူးပေါင်းရင်းမြစ်များ

Cäk 10:2

Ku mïth ke Japeth ee yï Gɔmer kekë Magɔk, ku Madai, ku Yaban, ku Tubal, ku Micek, ku Tirath.

1 Mel 8:46

“Të cï kek Yïn luöi awäc, cït man cïn en raan cie wäc, ke Yïn duëër dhil gɔ̈th we keek ku tɔ ke tiam në kɔc ke aterden, ku leerë keek ë pɛ̈cic paan mec ku nɔn ee yen paan thiɔ̈k,

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:23

agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Mel 18:34

Nu yiëth ke Ɣamath ku Arapad ënou ënɔɔnë? Ku eeŋö cï tuöl tëde yiëth ke Theprapiam, ku Ɣena ku Yiwa? De töŋ cï Thamaria luök në ke yiic?

2 Mel 19:12

Juöör ɣɔn cïï kuarkuɔ ke kɔn riɔ̈ɔ̈k cït yï Godhan ku Ɣaran ku Redhep ku nɛ̈k kɔc ke Betheden ɣɔn rɛ̈ɛ̈r ë Telathar, ku acïn yanhdɛn töŋ cï juöör bɛ̈n kony.

2 Mel 21:13

Yɛn bï Jeruthalem luöi këtuc cït man ɣɔn cän e luöi Thamaria, ku cït man ɣɔn cän e luöi Aɣap melik de Yithriɛl kekë kuatde ëbɛ̈n. Yɛn bï Jeruthalem nyaai nyin abïï yic lipëlip ke cïn raan ceŋ en, abï ciët aduŋ cï waakic ku buupë yic piny.

1 Lëk 5:22

Acïk kɔc juëc ke aterden bɛ̈n nɔ̈k ë tɔŋic, në biäk ye tɔŋ këde Nhialic piɔ̈u. Ku jɔkï rëër ee pinyë agut cï ɣɔn jɔ ë keek peec.

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

Edhr 6:2

Go ka cï gäär piny yök tëde riɛl ë Yekabatana, wun ë Media, ku yök kë cï gɔ̈ɔ̈r në awerekic ku kë lueel kï: Dɔ̈tkï ee wëlkë:

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Yith 10:9

Yɛn cï pɛ̈ɛ̈nydït ke Kalano ku Karcemic peec, pɛɛc pɛ̈ɛ̈nydït ke Ɣamath ku Arapad. Ku pɛɛc Thamaria kekë Damathko.

Yith 13:17

Aye Bɛ̈nydït lueel an, “Yɛn tooc jur cɔl Mede bïï Babilonia lɔ mak. Acïkï atek ee cieŋ, ku cïkï piɔ̈ɔ̈th mit në ciëŋ de adhɛ̈p

Yith 17:4

Go Bɛ̈nydït lueel an, “Ade kööl bɔ̈, kööl bïï dhuëëŋ de Yithriɛl thök, ku juëc de kake abïï ë kuany ë nyin löökic.

Yith 21:2

Yɛn ë nyuuth de yic riäŋ rac ku riɔ̈ɔ̈c tïŋ. Rem de tɔŋ de Eelam ku Media amɛkkï rem de tɔŋ ë Media, ku tookkï pɛ̈ɛ̈nydït! Bɛ̈nydït abï nuan cïï Babilon luöi kɔc tɔ thök.

Yith 36:17

aɣet të bï melik de Athiriya we lɛɛr piny kït aläl kekë pinydun, piny bï yic de duum ke enap bï ke mɔ̈u aa looi ku duum ke rap ago kuïn aa thaal.

Yith 36:19

Tɔ̈ukï ë nou ënɔɔnë kek yiëth ke Ɣamath ku Arapad? Tɔ̈u yiëth ke Theprapiam ë nou? De töŋ cï Thamaria luök në ke yiic?

Yith 37:18

Aŋicku wodhie Bɛ̈nydït, nɔn cïï melik de Athiriya juöör juëc riɔ̈ɔ̈k, abï kɔc pinyden pɔ̈l,

Yith 8:4

Të ŋoot ë meth ke koor kë kën guɔ cööt an, ‘Baba Mama,’ kajuëc ke Damathko ëbɛ̈n ku ka cï yak ë Thamaria ëbɛ̈n, abï keek jɔt ëbɛ̈n në melik de Athiriya.”

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Danyel 5:28

Tëŋë yic, ciɛɛŋdu acï tekic ku acï gäm Mede ku Perthia.

Ɣodh 1:4

Go Bɛ̈nydït lɛ̈k Ɣodhiya an, “Cäkë an Jedhreel (yen aye kɔc cï Nhialic thiäi piny). Në baŋ bän baai de melik Jeɣu dap luöi këtuc, në biäk de nääk ɣɔn nɛ̈k en kɔc në wak de Jedhreel yic. Ku Yɛn bï ciɛɛŋ de baai de Yithriɛl jɔ teem kɔ̈u. Yɛn bïï bääny de dhiën ë Jeɣu tɔ kääc.

Ɣodh 1:6

Go Gomer bɛ liac, ku dhiëëth duet. Go Bɛ̈nydït lɛ̈k Ɣodhiya an, “Cäkë an Nyaman, në baŋ cän piɔ̈u bï bɛ kok wokë baai de Yithriɛl, ku cä be päl awäc.

Ɣodh 1:9

Go Bɛ̈nydït lɛ̈k Ɣodhiya an, “Cäkë an, ‘Monyjai’ në biäk cä wek ee kɔckï, ku cä ye Nhialicdun.”

Ɣodh 13:16

Kɔc ke Thamaria abïk awänyden dhiɛl guum, në luɔi cïï kek Nhialicden rɛɛc. Abï keek nɔ̈k tɔŋ, mïthken abïï keek dhiac piny, ku rëëtë diëërkɛn liac yiic bei në mïth.

Ɣodh 8:8

Yithriɛl acï nyiɛɛc në juöör, ka cï ya kë cïn naamde.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Lebai 26:38

Wek bï thou ë juööriic, piny de kɔc de wek ater abï week liek

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Amoth 7:17

Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 30:18

Alɛ̈k week ëköölë, an, wek bï dhil riɔ̈ɔ̈r nyïïn ëdhöc, wek cïï bï ceŋ aläl në piny tɛɛm wek Jordan kɔ̈u la wek thïn bäk lɔ nööm.