2 Mel 17:4 - JAM DE NHIALIC 2011

⁴ Na ɣɔn, ke melik Ɣocia ë tuc kɔc Tho melik de Rip ke kɔɔr kuɔɔny tëde yen, ku tɔ athölbö ye kuöt Athiriya kääc. Ku acï melik de Athiriya ŋic luɔi cïï Ɣocia melik de Yithriɛl yäc dɛk aguk ke yen. Na wën cï melik de Athiriya kënë piŋ go Ɣocia tɔ dɔm ku tɔ mac.

2 Mel 17:4 ပူးပေါင်းရင်းမြစ်များ

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

2 Mel 17:5

Ëtɛ̈ɛ̈n go melik de Athiriya paan de Yithriɛl mak ëbɛ̈n, ku bïï Thamaria ku took në run kadiäk.

2 Mel 18:21

Wek ŋäth melik de Rip an bï we yiɛ̈n kony, ku kënë acït raan muk apäth ke ye wai thɛny en piny, ku abï dhuɔɔŋ ku riɔ̈l we, le cot ë we cin. Yen luɔi tɔ̈u ë mel de Rip ka, kekë raan ee rɔt kan në yen.”

2 Mel 24:1

Në akööl ke Jeɣoyakim, go Nebukadnedhar melik de Babilonia Juda mak, go Jeɣoyakim tɔ ye raan ee ye luööi në run kadiäk, ku jɔ bɛ rɛɛc thok.

2 Mel 24:20

Go Bɛ̈nydït gɔ̈th arëët kekë kɔc ke Jeruthalem ku Juda, ago keek jäp wei në Yelɔ̈ɔ̈m. Go Dhedekia melik de Babilon rɛɛc.

2 Mel 25:7

Go wɛ̈ɛ̈t ke Dhedekia nɔ̈k ke ke woi, ku tɔ nyïïn ke Dhedekia tukë bei, ku dutkï në kuɛɛt, ku leerkï Babilon.

2 Lëk 32:11

Ku melik Ɣedhekia ee week yɔ̈ɔ̈k nan bï Bɛ̈nydït Nhialicdun week luäk bei në melik de Athiriya ciin, ku Ɣedhekia amɛth week, akɔɔr bäk thou në cɔk ku rou.

Ɣodh 10:4

Ayek röt thɔ̈n kajuëc, ku kuëëŋkï në lueth, ku matkï kajuëc. Ku në biäk de ee kakë, ayek röt gaany arëët, cït man ye wɛl ke awɔɔk dap cil në dom cï puur yic.

Ɣodh 12:2

Ku Bɛ̈nydït ade gääk wël nɔm kɔc ke Juda. Ku abï baai de Jakop luöi këtuuc rɔ̈ŋ kekë karɛckɛn yek looi.

Ɣodh 13:10

Melikdun nu ë nou, bï we bɛ̈n kony? Nu bänykun ë nou, bäny ke wuötkun kedhie? Bäny wään lɛ̈kkï Yɛn an, “Gämë wook melik, ku bäny? Yïkï dï, eeŋö cïï kek week be luök?

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.