2 Mel 17:3 - JAM DE NHIALIC 2011

³ Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

2 Mel 17:3 ပူးပေါင်းရင်းမြစ်များ

2 Tham 8:2

Ku acï kɔc ke Mowap tiaam ayadäŋ. Ku tɔ keek tɔ̈c piny ë tiɔp nɔm, ku jɔ keek them në awiɛɛth. Ku kɔc kaarou nɔ̈k në kɔc kadiäk yiic. Go kɔc ke Mowap bɛ̈n aa lïïm ke Debid ku yek kuöt athölbö.

2 Tham 8:6

Na wën ke Debid ë loi pɛɛny ke rem de tɔŋ ë Damathko, piny de kɔc ke Aram. Gokï aa lïïm ke Debid, ku tɔ keek tɔ kut athölbö ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 15:20

Menaɣem acï wëu bɛ̈n nööm tëde kɔc kueth ke Yithriɛl, në luɔi cï yen ke yɔ̈ɔ̈k në riɛl bïï wëu kathiërdhïc ke ateek aa nööm tëde raan tök bï ke juɛ̈ɛ̈r Tiglath Pilethar melik de Athiriya. Go melik de Athiriya rɔt pɔ̈k wunde ke cïï rɛ̈ɛ̈r në Yithriɛl.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:2

Acï karɛc looi në Bɛ̈nydït nɔm, ku acïï go ciët meliik ke Yithriɛl ɣɔn kɔn bɛ̈n ë yenɔm tueŋ.

2 Mel 17:4

Na ɣɔn, ke melik Ɣocia ë tuc kɔc Tho melik de Rip ke kɔɔr kuɔɔny tëde yen, ku tɔ athölbö ye kuöt Athiriya kääc. Ku acï melik de Athiriya ŋic luɔi cïï Ɣocia melik de Yithriɛl yäc dɛk aguk ke yen. Na wën cï melik de Athiriya kënë piŋ go Ɣocia tɔ dɔm ku tɔ mac.

2 Mel 18:31

Duökï jam de Ɣedhekia piŋ! Melik de Athiriya ayöök week bäk bɛ̈n bei bäk röt bɛ̈n than. Ku wek wedhie, ŋɛk abï aa tɔ lɔ le mïth ke enap ku ŋaap cam në duumkɛn ke tiim, ku dɛ̈kkï në pïïu në yïthkun yiic,

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Yith 17:4

Go Bɛ̈nydït lueel an, “Ade kööl bɔ̈, kööl bïï dhuëëŋ de Yithriɛl thök, ku juëc de kake abïï ë kuany ë nyin löökic.

Yith 8:8

Abïk dap lɔ Juda ke cït amooldït ë pïïu ee ɣet ë kɔc yiëth, ku abï pinydun thiɔ̈ɔ̈ŋic ëbɛ̈n. Emanwɛl! Nhialic atɔ̈u ke wook. Abï ye wuök peer ku gël piny.”

Edhekiɛl 23:5

Cakaa nɔn yen këdï, Oɣola aŋoot ke ye akɔɔrröör, ku acï guöp thiäŋ ke ŋɔ̈ɔ̈ŋ de nhiëër ë määthke kɔc ke Athiriya.

Ɣodh 10:14

awuɔɔu de tɔŋ abï rɔt jɔ̈t week, ka pänykuön ril cäk yïk, abï keek thuöör piny kedhie. Abï ciët man ɣɔn thuur ë melik Calman pänydït de Beth Arbel piny në kööl ë tɔŋ, ago diäär dhiac piny abïk thou në mïthken ëtök.

Ɣodh 10:4

Ayek röt thɔ̈n kajuëc, ku kuëëŋkï në lueth, ku matkï kajuëc. Ku në biäk de ee kakë, ayek röt gaany arëët, cït man ye wɛl ke awɔɔk dap cil në dom cï puur yic.

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.