2 Mel 17:23 - JAM DE NHIALIC 2011

²³ agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Mel 17:23 ပူးပေါင်းရင်းမြစ်များ

1 Mel 13:2

Go tiët cööt ke jiëëm yïk në löŋ de Bɛ̈nydït lueel an, “Yïk, yïk, acï Bɛ̈nydït lueel an, Meth abï dhiëëth baai de Debid, ku abïk cäk an Jothia. Ku abï guc kɔ̈k gam ke ke ye miɔ̈c näk në yïnɔm, ku nɛ̈k guc ee miɔ̈c gam në ɣään thöny nïïm ku yek miɔ̈c ë wal ŋïr gam në yïnɔm, yom ke raan abï ke nyop në yïnɔm.”

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

2 Mel 17:18

Bɛ̈nydït aa göth ke Yithriɛl, go ke nyaai në Yelɔ̈ɔ̈m, alee döŋ ke ye ciɛɛŋ de Juda yetök.

2 Mel 17:20

Go Bɛ̈nydït kɔc ke Yithriɛl rɛɛc ëbɛ̈n, go Bɛ̈nydït keek luöi këtuc, në tɛ̈ɛ̈u cï yen keek tääu në kɔc ke ater rac cin, aɣet të bï Yen keek cuɔp wei në Yelɔ̈ɔ̈m.

2 Mel 17:22

Kɔc ke Yithriɛl kedhie acïk bɛ̈n cath në awɛ̈ɛ̈c cïï Jerobowam ke looi yiic, akënkï jäl në ke yiic,

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 21:14

Yɛn bï kɔc cï döŋ apïr thiäi piny, ku tääu ke në kɔc ke aterden cin, ke ke bï yɔŋ në kɔc ke aterden.

2 Mel 23:27

Acïï Bɛ̈nydït lueel an, “Yɛn bï Juda luöi kë cït kë wään bä luöi Yithriɛl: Yɛn bï kɔc ke Juda nyaai në Yanyin, ku rɛɛc Jeruthalem, wun cä lɔc, ku Luaŋdït, të wään luɛɛl an bïï Ya lam thïn.”

2 Mel 24:3

Kënë aa lui rɔt në yöök de Bɛ̈nydït, ke bï kɔc ke Juda nyaai në Yelɔ̈ɔ̈m, në biäk de awɛ̈ɛ̈c ke Manatha, ku karɛc ɣɔn cï ke looi ëbɛ̈n,

2 Mel 25:21

Go melik de Babilon ke dui, ku nɛ̈k ke wutic ë Ribla piny de Ɣamath. Ka kɔc ke Juda cï ke jɔt pinyden, ke ke cï peec.

2 Mel 3:3

Ku acït Jerobowam wën ë Nebat ɣɔn wɛt Yithriɛl në awɛ̈ɛ̈c yiic, ku akën ke pɔ̈l.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 51:13

Ku yɛn bï kɔc ee karɛc looi wɛ̈ɛ̈t në lööŋku, ka abïk röt dhuöny Yïn.

Yith 7:8

Në biäk de ŋö? Thiriya acïï be riɛl awär pänydïïtde Damathko, ku Damathko acïï be riɛl awär melik Redhin. Ku në biäk de Yithriɛl, në run kathiërdhetem ku dhïc yiic, abï dhiac ka bï riääk ka cï bï bɛ aa jur.

Jeremia 52:3

Go Bɛ̈nydït göth arëët kekë kɔc ke Juda ku kɔc ke Jeruthalem, ago keek nyaai në yenyin. Dhedekia acï Nebukadnedhar melik de Babilonia bɛ̈n rɛɛc,

Jeremia 7:15

Wek bä cuɔp wei në yalɔ̈ɔ̈m, cït man wään cuɔp Ɛn kɔckun, kɔc ke Yithriɛl. Acä lueel, Yɛn Bɛ̈nydït.”

Ɣodh 12:3

Kuɛɛrëdun Jakop ɣɔn aacï acueekde dɔm ŋuur në man yäc, na ɣɔn aacï dït, ke wiët kekë Nhialic.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Maika 1:5

Ku kënë ëbɛ̈n, ee biäk de kërɛɛc de Jakop. Ku eeŋa bï gäk awäny ë baai de Yithriɛl? Cie Thamaria? Ku eeŋa bï gäk awäny ë Juda, awäny cï yen yiëth kɔ̈k lam? Cie Jeruthalem yiɛnhde?

Maika 1:6

Ago Bɛ̈nydït lueel an, “Thamaria abä riɔ̈ɔ̈k taitai, abï döŋ piny ke ye akuut ke tiɔp. Ku Yɛn bï kur ke ɣöötke thɔɔc nïïm në wakic, ku riäär këërkëër ke ɣöötke piny liŋliŋ. Ku ta ye duum bï kɔc aa com thïn.

Maika 2:5

Ku në baŋ de ee kënë, wek bï nïïm ciën raan bï piny tɛk në gɛk, raan bï nu në amatnɔm de kɔc ke Bɛ̈nydïtic.

Nyöŋ 32:20

Ku lueel, an, Acä keek bï bɛ kony, ku ja daai në kë bï tuöl tëde keek, kek kɔc rilnïïm ku cïnkï piɔ̈ɔ̈th.

Jocua 23:13

Bɛ̈nydït Nhialicdun acïï we bï bɛ kuɔny, ka acïï juöör dɛ wek ater bï bɛ cuɔp wei. Abïk ciët wïn ë dɛ̈p, deep ë week, ku cïtkï wɛt duiyë week, ku cïtkï kon tɔ̈u në wenyïïn. Ku acïn raan tök në weyiic, raan bï döŋ në ee piny piɛth cïï Bɛ̈nydït Nhialicdun gäm week.

Bäny 18:30

Go kɔc ke Dan röt luöi yath, ku kuanykï Jɔnathan wën ë Gercom, käu de Mothe, ke ye gunyden. Wɛ̈ɛ̈tke acïk bɛ̈n ŋoot ke ke ye guc ke dhiën ë Dan, aɣet cï akööl ɣɔn leerë kɔc ë pɛ̈cic.