2 Mel 17:18 - JAM DE NHIALIC 2011

¹⁸ Bɛ̈nydït aa göth ke Yithriɛl, go ke nyaai në Yelɔ̈ɔ̈m, alee döŋ ke ye ciɛɛŋ de Juda yetök.

2 Mel 17:18 ပူးပေါင်းရင်းမြစ်များ

1 Mel 11:13

Ayï luɔi bän e tɔ ye melik de dhiën tök, në biäk de Debid raandiën ee Ya luööi, ku në biäk de Jeruthalem wundiën cä lɔc.”

1 Mel 11:32

Ku ee dhiën tök yen abï döŋ ke ye në riëëudiën riëëu Ɛn Debid raandiën ee Ya luööi, ku në biäk de Jeruthalem pänydït cä lɔ̈c bei piny ë dhiëën ke Yithriɛl yic ëbɛ̈n ke ye këdï.

1 Mel 11:36

ku Yɛn bï mïthke Tholomon nyäŋ dhiën tök, në biäk bï käu de Debid awundï aa bäny ë Jeruthalem ë caŋɣɔn, pänydït cä lɔc ke ye të bï Ya aa lam.

1 Mel 12:20

Na wën aa piŋ ë kɔc ke Yithriɛl nɔn cïï Jerobowam bɛ̈n ciëën ë Rip, ke tɔkï bɔ̈ në amatnɔmic ku tɔkï ë melik de Yithriɛl ëbɛ̈n. Acïn wun cï baai de Debid bɛ̈n kuany cök, ee Juda yetök.

1 Mel 8:46

“Të cï kek Yïn luöi awäc, cït man cïn en raan cie wäc, ke Yïn duëër dhil gɔ̈th we keek ku tɔ ke tiam në kɔc ke aterden, ku leerë keek ë pɛ̈cic paan mec ku nɔn ee yen paan thiɔ̈k,

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 21:14

Yɛn bï kɔc cï döŋ apïr thiäi piny, ku tääu ke në kɔc ke aterden cin, ke ke bï yɔŋ në kɔc ke aterden.

2 Mel 23:27

Acïï Bɛ̈nydït lueel an, “Yɛn bï Juda luöi kë cït kë wään bä luöi Yithriɛl: Yɛn bï kɔc ke Juda nyaai në Yanyin, ku rɛɛc Jeruthalem, wun cä lɔc, ku Luaŋdït, të wään luɛɛl an bïï Ya lam thïn.”

2 Mel 24:3

Kënë aa lui rɔt në yöök de Bɛ̈nydït, ke bï kɔc ke Juda nyaai në Yelɔ̈ɔ̈m, në biäk de awɛ̈ɛ̈c ke Manatha, ku karɛc ɣɔn cï ke looi ëbɛ̈n,

Diɛt 51:13

Ku yɛn bï kɔc ee karɛc looi wɛ̈ɛ̈t në lööŋku, ka abïk röt dhuöny Yïn.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 52:3

Go Bɛ̈nydït göth arëët kekë kɔc ke Juda ku kɔc ke Jeruthalem, ago keek nyaai në yenyin. Dhedekia acï Nebukadnedhar melik de Babilonia bɛ̈n rɛɛc,

Jeremia 7:15

Wek bä cuɔp wei në yalɔ̈ɔ̈m, cït man wään cuɔp Ɛn kɔckun, kɔc ke Yithriɛl. Acä lueel, Yɛn Bɛ̈nydït.”

Ɣodh 11:12

Aye Bɛ̈nydït lueel an, “Baai de Yithriɛl acï Ɛn gɛɛu cil në lueth ku ruëëny. Ku kɔc ke Juda acïk Ɛn rɛɛc, Yɛn Nhialic adöt ɣeric.

Ɣodh 12:3

Kuɛɛrëdun Jakop ɣɔn aacï acueekde dɔm ŋuur në man yäc, na ɣɔn aacï dït, ke wiët kekë Nhialic.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Nyöŋ 32:20

Ku lueel, an, Acä keek bï bɛ kony, ku ja daai në kë bï tuöl tëde keek, kek kɔc rilnïïm ku cïnkï piɔ̈ɔ̈th.

Jocua 23:13

Bɛ̈nydït Nhialicdun acïï we bï bɛ kuɔny, ka acïï juöör dɛ wek ater bï bɛ cuɔp wei. Abïk ciët wïn ë dɛ̈p, deep ë week, ku cïtkï wɛt duiyë week, ku cïtkï kon tɔ̈u në wenyïïn. Ku acïn raan tök në weyiic, raan bï döŋ në ee piny piɛth cïï Bɛ̈nydït Nhialicdun gäm week.

Jocua 23:15

Cït man cïï thön piɛth kiith wään cïï Bɛ̈nydït Nhialicdun than tiiŋ kedhie, yen luɔi bïï këriëëc kɔ̈k cï lueel ëbɛ̈n ŋoot ke ke tiiŋ röt ka aya. Acï lueel aa bï we tɔ yök ë riääkdït në ee piny piɛɛth cï gäm weekë.

Bäny 18:30

Go kɔc ke Dan röt luöi yath, ku kuanykï Jɔnathan wën ë Gercom, käu de Mothe, ke ye gunyden. Wɛ̈ɛ̈tke acïk bɛ̈n ŋoot ke ke ye guc ke dhiën ë Dan, aɣet cï akööl ɣɔn leerë kɔc ë pɛ̈cic.