2 Mel 17:17 - JAM DE NHIALIC 2011

¹⁷ Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 17:17 ပူးပေါင်းရင်းမြစ်များ

1 Mel 14:15

Bɛ̈nydït abï Yithriɛl luööi këtuc, ka abï ke lath cï apäth nu ë nyinic. Abï kɔc ke Yithriɛl nyuän thäär bei piny piɛth cï gäm kuarken, ku thëi ke piny në wɛ̈ɛ̈r ë Yuparat kɔ̈ɔ̈th ya, në kë cï kek Bɛ̈nydït tɔ göth, në biäk cï kek röt luöi yanh cɔl Acera.

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Mel 21:25

(Acïn raan cï rɔt gam taitai looi kërac ë Nhialic nyin cït Aɣap ku yen këde piɔ̈n ë tiiŋdɛn Jedhebel ka

2 Mel 16:3

Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 17:11

ku yek miɔ̈c de wal ŋïr nyop në ɣään thöny ëbɛ̈n, cït juöör ɣɔn copë Bɛ̈nydït wei në kenïïm. Acïk agönh ë Bɛ̈nydït tɔ jɔt rɔt, në baŋ de karɛc cïk looi,

2 Mel 17:31

ku kɔc ke Yiwa, acïk röt luöi yiëth ke Nibadh ku Tartak, ku jɔ kɔc ke Theprapiam mïthken aa gam ke ke ye miɔ̈c nyupë yanh cɔl Adramelek ku Anamelek, ku yanh tiiŋ cɔl Theprapiam.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Yith 47:9

Ku në kaam koor në kööl tök yic, kakë kaarou abïk tuöl. Cakaa nɔn ye yïn lui në yiëth yïn bï nɔm ciën moc ku mïth.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 19:5

ku acïk yïk yiëk Baal, në biäk bïï kek mïthken gam ke ke ye miɔ̈c ye nyop ëbɛ̈n këde Baal. Akɛ̈n ke kɔn yɔ̈ɔ̈k bïk ee kënë looi, akën kɔn lɔ ë yanɔm aya.

Jeremia 25:7

Ku acï Bɛ̈nydït lueel guöp, nɔn cä wek këde rɛɛc piŋ. Acäk tɔ göth në yiëthkun ku bɛ̈ɛ̈ikï luɔi bïï ë këtucde looi ë wegup.

Jeremia 27:9

Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Edhekiɛl 16:21

ke yï cïï mïthkï jɔt ku lɔɔr keek gäm yiëth ke ke ye miɔ̈c?

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 23:37

Keek acïk röör kɔɔr ku näkkï kɔc, acïk köör në yiëth ku näkkï mïth cïk keek dhiëth ɛn. Acïk wɛ̈ɛ̈tkï nɔ̈k ke ke ye miɔ̈c näk gëmë ke yiëthken.

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Lebai 19:26

Du rïïŋ ee cam ke ŋoot ke de yic riɛm, du tïït ee looi, ku du yiëth ee lam.

Lebai 19:31

Du täŋ piɛth ye lɔ kɔɔr në kɔc ee cɔ̈ɔ̈r nïïm, ayï kɔc ee jam në kɔc cï thou nïïm, në luɔi bï kek yïn riɔ̈ɔ̈k. Ee Yɛn Bɛ̈nydït Nhialicdun.

Maika 5:12

Yɛn bï tïïtduön ë yiëth riɔ̈ɔ̈k, ka cïn kɔc bï käŋ bɛ aa caar.

Luɔi 16:16

Na wën, ë kööl tök, të le wok të ye kɔc lɔ̈ŋ, ke wo jɔ rɔ̈m në nyan lïm, nyan de guöp yanh cɔl nyiëël, ku ye bänyke tɔ yök wëu juëc në cäär ee yen cɔ̈ɔ̈r.

Romai 7:14

Löŋ aŋicku nɔn ee yen këde wëi, ku yɛn ee raan ë piny tei, yɛn cï ɣaac ka yɛn cï aa lïm de kërac.

Galatai 5:26

Duku lɛc ɣɔ̈ric ë kɔɔr, duku röt ë jut, duku yiic ë dɛ tiɛɛl ë röt.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.