2 Mel 16:4 - JAM DE NHIALIC 2011

⁴ Ku Aɣadh aaye miɔ̈c gam, ku ye wal ŋïr nyop në ɣään thöny nïïm, ku kur nïïm, ku në tiim tɔ̈c thäär ëbɛ̈n.

2 Mel 16:4 ပူးပေါင်းရင်းမြစ်များ

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

2 Mel 12:4

Go Jowac bäny ke kake Nhialic yɔ̈ɔ̈k an, bïk wëu kueet, ayï ka ke miɔ̈c ɣeriic ye bɛ̈ɛ̈i Luaŋdït, ayï miɔ̈c de aköölnyïïn, ku miɔ̈c de miɛtëpiɔ̈u cï bɛ̈ɛ̈i.

2 Mel 14:4

Ku ɣään thöny aake ŋoot ke ke kënë nyaai, ku kɔc aake ye lɔ lek miɔ̈c ku wal ŋïr nyuöp yiëth ëtɛ̈ɛ̈n.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Yith 65:4

Wakɔ̈u ayek lɔ në kɔ̈k ku rɛ̈ŋ yiic, bïk lɔ jam në wëi ke kɔc cï thou. Ayek rïŋ ke kudhuur cï ŋuäc cam ku rïŋ ke läi cï ŋuäc ye näk yiëth.

Yith 66:17

Aye Bɛ̈nydït lueel an, “Thök de piny acï thiɔ̈k tëde kɔc ee röt waak në biäk de läm ë yiëth, kɔc ee lam në duum yaath yiic: ku yek cuet në rïŋ ke cuɔl ku kudhuur kacaam kɔ̈k mɛɛn Bɛ̈nydït.

Jeremia 17:2

Kɔckun ayek lam në yïk kɔ̈ɔ̈th, ku në kït cï luöi yanh tiiŋ cɔl Acera, ku në tiim tɔ̈c thäär ëbɛ̈n, ku kur nïïm,

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Nyöŋ 12:2

Wek bï ɣään ye juöör bä keek lɔ cop lam thïn riɔ̈ɔ̈k ëbɛ̈n, ɣään tɔ̈u në kuur nïïm, ku ɣään tɔ̈u të thöny, ku tiim tɔ̈c thäär ëbɛ̈n.