2 Mel 16:3 - JAM DE NHIALIC 2011

³ Ku yen aa kuany kueer ë meliik ke Yithriɛliic arëk abï wënde gam ke ye miɔ̈c nyupë yiëth, looi kërac ë Bɛ̈nydït nɔm, karɛc ɣɔn ye juöör ɣɔn cï Bɛ̈nydït ke cuɔp wei në kɔc ke Yithriɛl nïïm looi.

2 Mel 16:3 ပူးပေါင်းရင်းမြစ်များ

1 Mel 14:24

Ku kërɛɛc dït arëët, ade röör akɔɔrdiäär, ku diäär akɔɔrröör, kɔc ee lui në ɣään ke läm de yiëth yiic. Kɔc ke Juda acïk kake ayäär looi ëbɛ̈n, ka ɣɔn ye jur ɣɔn cï Bɛ̈nydït cuɔp wei ë pinyic looi, ɣɔn kɔt kek ë Yithriɛl wään bïï kek.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 17:19

Ayï kɔc ke Juda aya akënkï lööŋ ke Bɛ̈nydït Nhialicden riëëu, acïk täu rɛɛc cïï kɔc ke Yithriɛl looi dɔmic.

2 Mel 17:8

ku yek cath në ciɛɛŋ de juöör kɔ̈kiic, juöör ɣɔn cop ë Bɛ̈nydït wei në Yithriɛl nɔm, go meliik ke Yithriɛl ciɛɛŋden dɔmic.

2 Mel 21:11

an, “Ku në luɔi cïï Manatha melik de Juda kërɛɛcdïït mɛɛn ë Bɛ̈nydït looi, karɛc wär ka ɣɔn looi ë kɔc ke Amor keek, ago Juda tɔ loi kërac në yanhdɛn cï guaŋ.

2 Mel 21:2

Acï kërac looi në Bɛ̈nydït nɔm, cït karɛc ɣɔn ye juöör ke looi, juöör ɣɔn bïï Bɛ̈nydït cop në kɔc ke Yithriɛl nïïm.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

2 Mel 21:9

Ku akën ë kɔc ke Juda gam, go Manatha ke tɔ loi karɛc wär ka ɣɔn ye juöör ke looi, juöör ɣɔn bïï Bɛ̈nydït ke cuɔp wei në kenïïm.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Mel 8:18

Tiiŋde aaye nyan ë Aɣap, ka baaide acït baai de Aɣap. Acï karɛc looi në Bɛ̈nydït nɔm,

2 Lëk 22:3

Aɣadhia acï kuɛɛr ke melik Aɣap kuany yiic. Man acɔl Athalia nyan de melik Aɣap, ku ye nyan de nyan de melik Omri de Yithriɛl, ee yen ee ye riit piɔ̈u bïï luɔi rac looi.

2 Lëk 33:2

Acï karɛc ye juöör keek looi looi, kɔc ɣɔn bïï Bɛ̈nydït keek cuɔp wei, wään bïï ë kɔc ke Bɛ̈nydït thïn, go Manatha karɛc luöi Bɛ̈nydït.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Diɛt 106:35

Ku acïk bɛ̈n liääp ku thiakkï juöör, ku dɔmkï ciɛɛŋ de kɔc kuc Nhialic.

Yith 57:5

Wek ee yiëth ee diäär tɔ dhiëth lam në nïn ya wek niin në diäär në tiim ke ɣok thäär. Wek ee mïthkun gam ke ke ye miɔ̈c näk, në kɔ̈k ke kur thiääk ke nyïïn ke pïïu tɔ̈u në kur thäär piny.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Edhekiɛl 16:21

ke yï cïï mïthkï jɔt ku lɔɔr keek gäm yiëth ke ke ye miɔ̈c?

Edhekiɛl 16:47

E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Lebai 20:2

an, “Jäämë kɔc ke Yithriɛl: an, ‘Raande Yithriɛl kedhie ayï kɔc lei rɛ̈ɛ̈r në weyiic kedhie, raan lɔ mɛnhde gäm bï näk Molek raanë abï dhil nɔ̈k, yen abïï kɔc ke wut dhil biɔ̈ɔ̈k ë kur.

Maika 6:7

Bï Bɛ̈nydït piɔ̈u miɛt kekë agum ke nyök amɛ̈l? Ku nɔn bï aguum kathiëër ke kiɛɛr ke miök nhiaar? Ja Bɛ̈nydït bɛ̈n gäm mɛnh kɛ̈idï bï nɔm aa karɛc cä looi? Bä gäm mɛnh ë nɔmdï ke bï ya päl awɛ̈ɛ̈ckï?

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.