2 Mel 16:16 - JAM DE NHIALIC 2011

¹⁶ Go Yuria bɛ̈ny de kake Nhialic looi cït kë cïï melik lɛ̈k en.

2 Mel 16:16 ပူးပေါင်းရင်းမြစ်များ

2 Mel 16:11

Go Yuria bɛ̈ny de kake Nhialic yïk yïk ke thɔ̈ŋë yïŋ ë lëk Aɣadh yen ë Damathko në këriëëcic ëbɛ̈n, go Yuria yïk looi, ke melik Aɣadh ŋoot ke kën e nɔm pɔ̈k ciëën.

2 Mel 16:15

Na wën, ke melik Aɣadh ë yöök Yuria bɛ̈ny de kake Nhialic an: “Ye lui në yïïŋ dïïtë nɔm, nyop miɔ̈c ye nyop ëbɛ̈n miäk thïn, ku miɔ̈c athɛ̈i de rap, ku miɔ̈c ye nyop ëbɛ̈n, ku miɔ̈c athɛ̈i, ku miɔ̈c de melik, ku miɔ̈c de kɔc ëbɛ̈n, ku miɔ̈c ye dek. Ku wälë nɔm rim ke miɔ̈c ye nyop ëbɛ̈n në yïk kɔ̈u ëbɛ̈n. Ku yïŋ de maläŋ abï aa këdiën yan cɔ̈ɔ̈r.”

2 Mel 16:17

Go melik Aɣadh thɛ̈k ke maläŋ de cök wään nu ë Luaŋdïtic nyaai ku jöt thɛ̈k bei në kenïïm. Go lɔ̈ɔ̈rdïït ë maläŋ ee rëër në miöör dït ke maläŋ kɔ̈ɔ̈th kathiëër ku rou bɛ̈ɛ̈i bei në miöör kɔ̈ɔ̈th, ku tɛ̈ɛ̈u në kuur kɔ̈u.

2 Mel 21:4

Ku yïk yïïk ke yiëth ë Luaŋdïtic të ɣɔn cïï Bɛ̈nydït lueel nɔn bïï ë Yen aa lam thïn.

2 Lëk 33:4

Acï yïk ke yiëth yïk Luaŋdït, të wään cï Bɛ̈nydït lueel an bï ë yen aa lam thïn aɣet athɛɛr.

Yith 8:2

Ku jɔt kɔc ee yith lueel kaarou, Yuria bɛ̈ny de ka ke Nhialic ku Dhekaria wën ë Jeberekia, ke ke bï aa cäätɔ.”

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Luɔi 4:19

Na wën, ke Petero kekë Jɔn ë ke bëër, yöökkï keek an, “Luɛlkï week, nɔn piɛth en tëde Nhialic të piŋ wok këdun awär pïŋ piŋ wok këde Nhialic.

Luɔi 5:29

Go Petero kekë tuuc kɔ̈k agokï bɛ̈ɛ̈r an, “Wo bï jam e Nhialic dhil piŋ awär ke lueel kɔc.

1 Theth 2:4

Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.