2 Mel 15:25 - JAM DE NHIALIC 2011

²⁵ Go Peka wën ë Remalia, yen ee bɛ̈nyde rem de tɔŋde ye cäm yai në Giliyad ke kɔc kathiërdhïc, ku näkkï në Thamaria tëde riɛl ɣön ë melik, ku lee në nyinde yic ke ye melik.

2 Mel 15:25 ပူးပေါင်းရင်းမြစ်များ

1 Mel 16:18

Na lɔ Dhimri ye tïŋ nɔn cïï pänydït dɔm, ke lɔ ɣöndït cï gël, ku jɔ ɣöndït ɣaak ku thou në macic.

1 Mel 16:9

Go Dhimri raan töŋ de bäny ke rem ë tɔŋ ë biäk töŋ de abëël ye luöi kiɛɛr rac. Ɣɔn nu yen ë Tirdha, Ela aacï lɔ dek ë mɔ̈u baai de Ardha, bɛ̈ny muk baai de melik.

2 Mel 15:10

Go ë Calum wën ë Jabec ye luöi kiɛɛr rac, ku nɛ̈k në Yibiliim, ku dɔm bääny ke ye melik de Yithriɛl në nyinde yic.

2 Mel 15:24

Acï karɛc looi në Bɛ̈nydït nɔm, ku akën jäl në awɛ̈ɛ̈c ke Jerobowam wën ë Nebat yic, raan ɣɔn tɔ kɔc ke Yithriɛl wäc.

2 Mel 15:26

Këriëëc ëbɛ̈n cï Pekaɣia ke looi, acï ke gɔ̈ɔ̈r në Awerek de kathɛɛr ke Meliik ke Yithriɛl yiic.

2 Mel 15:27

Na ruöön thiërdhïc ku rou yic, në bääny de Yudhia melik de Juda yic, go Peka wën ë Remalia bääny gɔl ke ye melik de Yithriɛl, ago bääny muk ë Thamaria në run kathiërrou.

2 Mel 9:14

Na ɣɔn ke Jeɣu wën ë Jeɣocapat ë lui melik Joram kiɛɛr rac ɣɔn rëër en ë Jedhreel, të ɣɔn cïï yen bɔ̈ɔ̈t tɔ lɔ dem, bɔ̈ɔ̈t ɣɔn cïï ye thɔ̈ɔ̈r në tɔŋ de Ramoth, ɣɔn bï kek thɔ̈ɔ̈r në Ɣadhiɛl melik de Thiriya.

2 Mel 9:5

go bäny ke rem de tɔŋ yök ke ke tɔ̈u ë amatic. Go lueel an, “Bɛ̈ny yɛn de thön lɛ̈k yïn.” Go Jeɣu ye thiëëc, an, “Eeŋa në woyiic raan jaam wek?” Go puk nɔm an, “Ee yïn bɛ̈ny.”

2 Lëk 28:6

Ee Bɛ̈nydït Nhialic de kuarken, Yen aa tɔ ee riäŋë tɔ bɔ̈ tëde keek, në biäk cïï kɔc ke Juda yen nyääŋ piny.

Yith 7:1

Na ɣɔn aacï melik Aɣadh wën ë Jotham, ku ye wën ë wën Yudhia jɔ aa melik de Juda, go tɔŋ thɔ̈ɔ̈r yï Redhin melik de Thiriya, kekë Peka wën ë Remalia melik de Yithriɛl, acïk Jeruthalem mak, ku akënkï bɛ̈n lëu në pɛ̈c.