2 Mel 15:23 - JAM DE NHIALIC 2011

²³ Në ruöön thiërdhïc yic, në bääny de Adharia melik de Juda yic, go Pekaɣia wën ë Menaɣem bääny gɔl ke ye melik de Yithriɛl, ago bääny muk ë Thamaria në run kaarou.

2 Mel 15:23 ပူးပေါင်းရင်းမြစ်များ

1 Mel 15:25

Në ruöön ye Atha melik de Juda run rou ë bääny yic, go Nadap wën de Jerobowam bääny gɔl ke ee melik de Yithriɛl, ago bääny muk ë run kaarou.

1 Mel 16:8

Në ruöön ye Atha melik de Juda run thiërrou ku dhetem ë bääny yic, go Ela wën de Baaca bääny gɔl ke ee melik de Yithriɛl, ago bääny muk në Tirdha në run kaarou.

1 Mel 22:51

Në ruöön ye Jeɣocapat melik de Juda run thiëër ku dhorou në bääny yic, go Aɣadhia wën Aɣap bääny gɔl ke ee melik de Yithriɛl, ago bääny muk ë Thamaria në run kaarou.

2 Mel 15:1

Na ɣɔn aa cï run ke Jerobowam de Rou, melik de Yithriɛl aa thiërrou ku dhorou në bääny yic, go Yudhia wën ë Amadhia aa melik de Juda,

2 Mel 15:22

Go Menaɣem thou, go tɔ̈ɔ̈u, ago Pekaɣia wënde lɔ në nyinde yic ke ye melik.

2 Mel 15:24

Acï karɛc looi në Bɛ̈nydït nɔm, ku akën jäl në awɛ̈ɛ̈c ke Jerobowam wën ë Nebat yic, raan ɣɔn tɔ kɔc ke Yithriɛl wäc.

2 Mel 15:27

Na ruöön thiërdhïc ku rou yic, në bääny de Yudhia melik de Juda yic, go Peka wën ë Remalia bääny gɔl ke ye melik de Yithriɛl, ago bääny muk ë Thamaria në run kathiërrou.

2 Mel 15:8

Në ruöön thiërdiäk ku bɛ̈t në bääny de melik Yudhia de Juda yic, go Dhekaria wën ë Jerobowam de Rou bääny gɔl ke ee melik de Yithriɛl, ago bääny muk ë Thamaria në pɛ̈i kadhetem.

2 Mel 21:19

Amon aaye run thiërrou ku rou ɣɔn dɔm en bääny ke ye melik de Juda, go bääny muk ë Jeruthalem në run kaarou. Man acɔl Meculemeth, nyan de Ɣarudh në wun cɔl Jotba.

Jop 20:5

an dɔl ë raan ee karɛc looi acïï rɔt ee cuuth, ku miɛtëpiɔ̈u de raan reec Nhialic, ee ya kaam thiin akäŋ?