2 Mel 15:12 - JAM DE NHIALIC 2011

¹² Ka thön ë Bɛ̈nydït cï lɛ̈k melik Jeɣu acï aa yic an, “Mïthku abïk rëër në thööc de Yithriɛl nɔm ale guööt në rem ye rɛm ŋuan.”

2 Mel 15:12 ပူးပေါင်းရင်းမြစ်များ

2 Mel 10:10

Kënë anyooth kë cïï Bɛ̈nydït lueel në biäk de käu de Aɣap, nɔn bï yen bɛ̈n ke ye yic. Bɛ̈nydït acï këdɛn cï than piny në tiëtdɛn Elija thok looi.”

2 Mel 10:30

Go Bɛ̈nydït lɛ̈k Jeɣu an, “Yïn cï këpiɛth looi në luɔi cï yïn yic looi në Yanyin, në kë cï looi baai de Aɣap cït man nu yen në Yapiɔ̈u, gɔl në mïth ke käudu, ale guööt ë rɛm kaŋuan bï lɔ̈ɔ̈k bɛ̈n, abïk rëër në thööc de Yithriɛl nɔm.”

2 Mel 13:1

Në ruöön thiërrou ku diäk yic, në bääny de Jowac wën ë Aɣadhia melik de Juda, go Jeɣowadh wën ë Jeɣu bääny gɔl ke ee melik de Yithriɛl, ago bääny muk ë Thamaria në run kathiëër ku dhorou.

2 Mel 13:10

Në ruöön thiërdiäk ku dhorou yic, në bääny de Jowac melik de Juda yic, go Jowac wën de Jeɣowadh bääny gɔl ke ee melik de Yithriɛl, ago bääny në Thamaria në run kathiëër ku dhetem.

2 Mel 13:13

Go Jowac jɔ thou, go tɔ̈ɔ̈u ë rɛ̈ŋ ke meliik ke Yithriɛl yiic ë Thamaria, ago Jerobowam de Rou wënde lɔ në nyinde yic ke ye melik.

2 Mel 14:29

Go Jerobowam jɔ thou, go tɔ̈ɔ̈u në rɛ̈ŋ ke meliik ke Yithriɛl yiic, ago Dhekaria, wënde lɔ në nyinde yic ke ye melik.

2 Mel 15:11

Këriëëc ëbɛ̈n cï Dhekaria looi, acï ke gɔ̈ɔ̈r në Awerek de kathɛɛr ke Meliik ke Yithriɛl yiic.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Mak 13:31

Tënhial abï nyaai ayï piny: ku wëlkï acïkï bï nyaai.

Jɔn 10:35

Ku të cï en keek tɔ ye yiëth, kek kɔc ɣɔn bïï jam ë Nhialic tëde keek (ku këcïgɔ̈ɔ̈r acï duëërë dhɔ̈ŋic).

Jɔn 19:24

Gokï röt yɔ̈ɔ̈k kapäc an, “Duku retic deenyku gɛk në këde, nɔn eeŋa bï yen nööm.” Kënë aa loi rɔt në luɔi bï jam cï këcïgɔ̈ɔ̈r lueel aa yic an, “Acïk lupɔɔkï tɛ̈k röt, Ku deenykï gɛk në këde alulutdï.” Kakë acï alathkëër ke jɔ looi.

Luɔi 1:16

ku jɔ lueel an, “Wek mïthëkɔckuɔ, këcïgɔ̈ɔ̈r acï dhil aa yic, kë cïï Wëidït ɣer luel ë Debid thok ɣɔn thɛɛr në këde Judath, raan ë wat kɔc wään dɔm Yecu.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.