2 Mel 14:6 - JAM DE NHIALIC 2011

⁶ Ku akën mïthken bɛ̈n nɔ̈k në këde lööŋ ɣɔn cï Bɛ̈nydït lɛ̈k Mothe an: “Meth acïï bï nɔ̈k në awäny de wun, ku wun meth acïï bï nɔ̈k në awäny de meth. Raan abï aa nɔ̈k në awäny ë looi në yen guöpde.”

2 Mel 14:6 ပူးပေါင်းရင်းမြစ်များ

Jeremia 31:30

Kɔc cï enap kec cam kedhie, lecken abïï ke tääu këëc, ku abïk thou kedhie në biäk de karɛcken.”

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Danyel 6:24

Na wën ke melik ë yöök kɔc bïk kɔc wään gɛɛny Danyel dɔm kedhie, agokï keek cuat ë pul yic, pul cï thiäŋ ke kɔ̈ɔ̈r, keek në diëërken ku mïthken ëtök. Ku të ŋoot kek ke ke kën guɔ ɣet ë pul thar piny, go kɔ̈ɔ̈r guɔ lööny në ke yiic ku dhuuŋkï yomken kedhie.

Nyöŋ 24:16

“Wärken ë mïth acïï keek bï aa nɔ̈k në biäk de awäny cïï mïthken looi, ku mïth acïï keek bï aa nɔ̈k në biäk de awäny cïï wärken looi, raan abï aa nɔ̈k në biäk de kërɛɛcdɛn cï looi yetök.