2 Mel 13:4 - JAM DE NHIALIC 2011

⁴ Go Jeɣowadh Bɛ̈nydït lɔ̈ŋ, go Bɛ̈nydït lɔ̈ŋde piŋ, në luɔi cï Yen yaaŋ de Yithriɛl tïŋ, yaaŋ yɔŋ ë keek në melik de Thiriya.

2 Mel 13:4 ပူးပေါင်းရင်းမြစ်များ

Cäk 21:17

Ago Nhialic meth piŋ röl ke kïïu, go tunynhial de Nhialic Ɣajer cɔɔl ke nu nhial, ku lëk en an, “Ɣajer, eeŋö cï yï dhal? Du riɔ̈c, Nhialic ë kiɛɛu de meth piŋ.

Cäk 31:42

Na cie luɔi tɔ̈u ë Nhialic de wää ke yɛn, Nhialic de Abraɣam kekë Yithaak, adï cï ya tɔ jäl në yacin tei aya. Nhialic ë ciɛɛŋ kuöc ë ya ciëëŋ tïŋ. Ku tïŋ luɔi cä looi, go yï jääm wën akɔ̈u.”

2 Mel 13:22

Ku Ɣadhiɛl melik de Thiriya aa yɔŋ kɔc ke Yithriɛl në run wään ye Jeɣowadh melik kedhie,

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

2 Mel 14:26

Bɛ̈nydït aacï luɔi nuɛɛn ë Yithriɛl arëët tïŋ, acïn lïm, ku acïn raan lääu nɔm, ku cïn raan kony Yithriɛl.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

Edhr 8:23

Goku thek ku läŋku Nhialicda, ago lɔ̈ŋda piŋ.

Jop 22:27

Abä lɔ̈ŋ ku abï këdu piŋ, ke yïn bï këduön cïï yïn kuëŋ looi.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 78:34

Të ye yen kɔc kɔ̈k nɔ̈k në keyiic, kuut däŋ ee rɔt pɔ̈k en, ayek karɛcken pɔ̈l ku lɔ̈ŋkï në piɔ̈n piɛth.

Bɛ̈n 3:7

Go Bɛ̈nydït lueel an, “Yɛn ë ciɛɛŋ kuc ë kɔckï cieŋ tïŋ paan ë Rip, ku piɛŋ dhiënden aya. Dhiën dhiëëu kek luääk luɛ̈k ë ke bei në bäny yɔŋ keek cin. Ku Yɛn ë guöm gum kek tïŋ,

Bɛ̈n 3:9

Kiɛɛu de kɔckï acä piŋ në luɔi cï kɔc ke Rip ke miɛn.

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Bäny 10:10

Na wën ke kɔc ke Yithriɛl ë ke läŋ Bɛ̈nydït, an, “Wo cï karɛc luöi Yïn, wok cï Nhialicda puɔ̈l ku yok Baal lam.”