2 Mel 12:10 - JAM DE NHIALIC 2011

¹⁰ Na lek wëu tïŋ ke ke cï juëc në athändukic, ke raan ee këriëëc de melik gɔ̈ɔ̈r nyin bɔ̈ kekë bɛ̈nydïït ë kake Nhialic, ku kuenkï ke, ku dutkï wëu cï yök ë Luaŋdït yic në anyɔŋɔɔ.

2 Mel 12:10 ပူးပေါင်းရင်းမြစ်များ

2 Tham 20:25

Ceba aaye raan ee kake melik gɔ̈ɔ̈r, ku Dhadok ku Abiathar ayek bäny ke kake Nhialic,

2 Tham 8:17

Dhadok wën de Aɣitup ku Abiathar wën de Aɣimelek, kek aye bäny ke kake Nhialic, ku Theraya yen aye kake melik gɔ̈ɔ̈r.

2 Mel 12:11

Na cïk thëmden gɔ̈ɔ̈r, ke abï ke jɔ gäm bäny ke kɔc loi luɔi de pïr ë Luaŋdït yic, ku abïï ke kɔc ee tiim guaŋ ku kɔc yïk Luaŋdït aa riɔp thïn,

2 Mel 19:2

Ku tooc Eliakim bɛ̈ny ë rem de tɔŋ nu baai de melik nɔm, ku Cebana raan ee kake göny gɔ̈ɔ̈r, ku bɛ̈nydïït ë kake Nhialic bïk lɔ tëde tiët ë Nhialic Yithaya wën ë Amoth ke ke cieŋ lupɔɔ ke cuɔl.

2 Mel 22:12

Go melik Ɣilikia bɛ̈ny de kake Nhialic yɔ̈ɔ̈k kekë Aɣikam wën ë Capan, ku Akbor wën ë Mikaya ku Capan raan ee käŋ gɔ̈ɔ̈r, ku Athaya raan ee melik luööi an:

2 Mel 23:4

Go melik Ɣilikia bɛ̈nydïït ë kake Nhialic yɔ̈ɔ̈k, ku bäny ke kake Nhialic lɔ në yecök, ku kɔc ee kal ë Luaŋdït tiit thok, bïk ka ye Baal lam nu ɣön ë Bɛ̈nydïtic bɛ̈ɛ̈i bei ëbɛ̈n, ayï kake Acera, ku kake läm de kuɛl. Acï melik ke bɛ̈n nyop ëbɛ̈n në Jeruthalem thok biic, wun thiääk ke Wak de Kidron, ku jɔt ŋenhden leer Bethel.

2 Mel 5:23

Go ë Naaman lueel an, “Yïn läŋ, nöm aguum kadhetem ke ateek.” Ku duut atek në anyɔŋɔɔ kaarou yiic, ku gɛm keek kekë dut ke lupɔɔ kaarou, ku tɛ̈ɛ̈u keek ë lïïmke kaarou kët, ku ɣɛ̈ɛ̈ckï keek ë Geɣadhi nɔm tueŋ.

1 Lëk 9:19

Calum wën de Kore, wën de wën ë Ebiathap, kedhie ë kɔc ke dhiën de Kɔra, yen Kore, yen aye bɛ̈ny de kɔc ee kal thoŋ të lɔ paany ë Bɛ̈nydït tiit, cït man wään ye kuarken, bäny ee Paany de Bɛ̈nydït tiit thok.

2 Lëk 24:11

Kɔc ke Lebai aake ye Athänduk lɛɛr tëde bäny nu ë luɔi de athänduk nɔm aköölnyïïn kedhie. Ku të cïï athänduk thiäŋ, ke bɛ̈ny ee kake melik gɔ̈ɔ̈r, ku raan töŋ cï bɛ̈ny tueŋ de kake Nhialic kuany, ayek wëu bɛ̈ɛ̈i bei në Athänduk yic, ku dɔkkï athänduk nɔm tëdɛn wën ee yen tääu thïn. Acïk wëu juëc arëët bɛ̈n kut.

Edhr 3:7

Na wën ke kɔc ë ke gëm wëu kɔc ee kur guaŋ kekë kɔc ee tiim guaŋ, ku gëmkï kɔc ke wun cɔl Thidon ku Tayer kacaam ku kadek ayï miök, agokï tiim ke thidar bɛ̈ɛ̈i në Lebanɔn në kueer wïïr agut cï Jopa, cït man cïï ye päl keek në Thairuth Melik de Perthia.