2 Mel 11:4 - JAM DE NHIALIC 2011

⁴ Na ɣɔn ë ruöön ë dhorou, ke Jeɣoyada bɛ̈ny de kake Nhialic tɔ bäny ke rem de tɔŋ cɔl, ku cɔɔl röördït ee melik tiit, ku kɔc ee baai de melik tiit, ku tɔ ke bɔ̈ ë Luaŋdït yic të nu yen, ku mɛc löŋ ke keek, ku tɔ ke gäm abïk gutguut lueel. Ku nyuth ke Jowac wën ë melik Aɣadhia,

2 Mel 11:4 ပူးပေါင်းရင်းမြစ်များ

Cäk 50:25

Ku tɔ Jothep mïthëkɔcken loi gutguut lëk keek an, “Gamkï luɔi bä wek guöpdï jɔt wadäŋ, ke week ëtök të le Nhialic we bɛ̈ɛ̈i bei në ee pinyë yic. Ku leer week piny wään cï than.”

2 Tham 20:23

Jowap yen aye bɛ̈ny ë rem de tɔŋ de Yithriɛl ëbɛ̈n. Ku Benaya wën ë Jeɣoyada yen aye bɛ̈ny de Kereth ku Peleth rem de tɔŋ ee melik tiit.

2 Tham 8:18

Benaya wën de Jeɣoyada yen atɔ̈u në Kereth ku Peleth nïïm rem de tɔŋ ë kɔc ee melik tiit, ku wɛ̈ɛ̈t ke Debid aake ye bäny ke kake Nhialic.

1 Mel 14:27

Ago melik Reɣobowam kööt ke maläŋ looi në nyindenic, ku gëm ke bäny ke rem de tɔŋ ee tïït, ke ke bï ɣön ë melik aa tiit.

1 Mel 18:10

Yɛn ë kuëëŋ në rin ke Bɛ̈nydït pïïr, Nhialicdu acïn ciɛɛŋ ayï jur kën ë melik yï tɔ kɔɔr thïn, ku të cïï bɛ̈ny ee ciɛɛŋë ayï jurë ye lueel nɔn liiu yïn pinyde, aye Aɣap luöi gutguut nɔn kën ë yï yök ë yic.

2 Mel 11:17

Go Jeɣoyada bɛ̈ny de kake Nhialic, löŋ mac ë kaam ë Bɛ̈nydït kekë melik Jowac, në luɔi bï kek aa kɔc ke Bɛ̈nydït, ku mɛckï löŋ në kaam de melik kekë kɔc.

2 Mel 11:19

Ku yen jɔt bɛ̈ny ë rem de tɔŋ, ku kɔc ee melik tiit, ku kɔc ee Luaŋdït tiit, ku jɔ kɔc melik ruac cök wën jël en Luaŋdït ke lɔ ɣön ë bääny, ke kuany cök në raan ëbɛ̈n, në Thoŋ ye Luaŋdït Tiit, ku leerkï ku nyuuckï në thöny de melik nɔm.

2 Mel 11:3

Në run kadhetem Jeɣoceba, aa muk meth, ke thiɛɛn ɣön tɔ̈u në kal ë Luaŋdït yic, ku Athalia aa mac wut ke ye tiiŋ melik.

2 Mel 11:9

Go bäny ke rɛm ke tɔŋ looi cït man cï Jeɣoyada bɛ̈ny de kake Nhialic ye lueel, go bäny ke rɛm ke tɔŋ, rem de tɔŋ cï lɔ në Thabathic, ku rem de tɔŋ bɔ̈ bei në Thabathic määtic, ku bïïkï keek tëde Jeɣoyada bɛ̈ny de kake Nhialic.

2 Mel 12:7

Go Jowac Jeɣoyada caal ɣöt, ku bäny ke kake Nhialic kɔ̈k, ku jɔ ke thiëëc an, “Eeŋö kën wek Luaŋdït piir? Gɔl ënɔɔnë le tueŋ, duökï wëu ee bɛ dɔm tëde kɔckuön luööikï, gamkï ke bïï ke Luaŋdït piir.”

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

1 Lëk 9:13

Ku kuën de bäny ke kake Nhialic, ee bäny ke ɣöötken thook ayek agum ku bot kadhorou ku thiërdhetem. Keek kedhie ayek atëët ke luɔi de ɣön ë Nhialic.

2 Lëk 15:12

Agokï kuëŋ looi nɔn bïk kek Bɛ̈nydït aa lam yetök, Nhialic de kuarken, në piɔ̈ɔ̈thken ku wëiken ëbɛ̈n.

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

Neɣe 10:29

wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Neɣe 5:12

Go bäny bɛ̈ɛ̈r an, “Abuk looi cït man cï yïn e lueel, abuk keek dɔ̈k nïïm kaken, ku abuk them cuku käny bï bɛ nööm.” Guɔ bäny ke kake Nhialic cɔ̈ɔ̈l ɣöt, ku ta ke loi gutguut në kenïïm ke ke bï kë cïk piac gam an bïk looi muk.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Luɔi 5:24

Na wën, ke bɛ̈nydïït ë kake Nhialic, kekë bɛ̈ny ë Luaŋdït, ku bänydït kɔ̈k ë ka ke Nhialic, të cï kek kake piŋ, ke ke jɔ nïïm a cɔ̈ɔ̈t cɔ̈ɔ̈t në këden, në të bï jam nɔm pëk thïn.

Luɔi 5:26

Go bɛ̈ny ë Luaŋdït lɔ kekë bäny ke rem, lek ku bïïkï ke bei, ku cïkï ke dɔm aril, acïk riɔ̈ɔ̈c ë kɔc, ke ke cïï bï biɔ̈ɔ̈k ë kɔi.

Jocua 24:25

Go Jocua mät looi kekë kɔc ke Yithriɛl në Cekem ee köölë. Ku gëm keek lööŋ bï kek cath.

1 Tham 18:3

Ago Jɔnathan määth lueel kekë Debid, në luɔi nhiɛɛr en Debid guöp cït man nhiɛɛr en rɔt.

1 Tham 23:18

Agokï mät looi në Bɛ̈nydït nɔm kaarou. Na wën ke Jɔnathan ë lɔ baai, ku döŋ Debid Ɣorec.