2 Mel 11:19 - JAM DE NHIALIC 2011

¹⁹ Ku yen jɔt bɛ̈ny ë rem de tɔŋ, ku kɔc ee melik tiit, ku kɔc ee Luaŋdït tiit, ku jɔ kɔc melik ruac cök wën jël en Luaŋdït ke lɔ ɣön ë bääny, ke kuany cök në raan ëbɛ̈n, në Thoŋ ye Luaŋdït Tiit, ku leerkï ku nyuuckï në thöny de melik nɔm.

2 Mel 11:19 ပူးပေါင်းရင်းမြစ်များ

Cäk 37:36

Ago kɔc ke Midian Jothep lɔ ɣaac paan ë Rip, lek ɣɔ̈c Pɔtipar, bɛ̈ny ee melik de Rip tiit.

1 Mel 1:13

Lɔ tëde melik Debid raan tök, ku lɛ̈kë yen an, ‘Bɛ̈nydiën melik, ë yïn kën kuëëŋ wään an wëndiën Tholomon yen bï aa melik bï lɔ në yïcök, ku bï nyuc në thööny nɔm? Ku eeŋö be Adonija aa melik ënɔɔnë?”’

1 Mel 14:27

Ago melik Reɣobowam kööt ke maläŋ looi në nyindenic, ku gëm ke bäny ke rem de tɔŋ ee tïït, ke ke bï ɣön ë melik aa tiit.

1 Lëk 29:23

Go Tholomon jɔ nyuc në thööny de Bɛ̈nydït nɔm ke ee melik në nyin de wun Debid. Go ja aa melik kueth, ku aaye Yithriɛl riëëu guöp ëbɛ̈n.

2 Lëk 23:19

Ku Jeɣoyada acï kɔc ee Luaŋdït tiit thok kuany, bïk kɔc de gup acuɔl aa gɛ̈l wei.

2 Lëk 23:20

Na wën ke bäny ke rem, ku röördït ke baai, ku kɔc ŋic gäär, ku kut dïït e kɔc, gokï röt mat në Jeɣoyada bɛ̈ny de kake Nhialic bïk melik jɔt Luaŋdït leerkï ɣön ë bääny. Gokï lɔ thïn ë kaldït thok, ku jɔ melik nyuc tëde në thööc nɔm.

2 Lëk 23:5

ku kɔc kɔ̈kkë abïk ɣön ë bääny tiit thok, ku kɔ̈kkë abïk kenïïm lɔ kut në pëër de kal ë këërkëër yic. Ku kɔc kedhie abïk kenïïm kut në pëër de Luaŋdït yic.

Jeremia 17:25

Ku ëtɛ̈ɛ̈n meliiken ku wɛ̈ɛ̈t meliiken abïk aa tɛ̈ɛ̈k ë kɛ̈l ke Jeruthalem thook, ku dekkï nïïm riɛl de bääny wään tɔ̈u ke Debid. Abïk kɛɛc në abëëliic ku jöŋgöör kɔ̈ɔ̈th, ëtök në kɔc ke Juda, ku kɔc ke Jeruthalem, ku pänydïït de Jeruthalem abï yic thiäŋ ke kɔc aköölnyïïn ëbɛ̈n.

Jeremia 22:30

“Monyë acï mäc luɔi bï yen nɔm ciën mïth, ke bï aa mony cïn kë bï kɔn tiaam. Abï nɔm ciën kuatdɛn bï lɔ̈ɔ̈k aa bɛ̈ny ë Juda, ke cït kɔc bï lɔ̈ɔ̈k tɔ̈u ë nyin de Debid yic. Acä lueel, Yɛn Bɛ̈nydït.”

Jeremia 22:4

Na lak lɔ looi cït man cän we yɔ̈ɔ̈k, ka mïth ke mïth ke Debid abïk ŋoot ke ke ee meliik. Ku keek në bänyken ëtök, abïk ŋoot ke ke ye tɛ̈ɛ̈k në ee kal ë bäänyë thok, në abëël ku jöŋgöörken.

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,