2 Mel 11:17 - JAM DE NHIALIC 2011

¹⁷ Go Jeɣoyada bɛ̈ny de kake Nhialic, löŋ mac ë kaam ë Bɛ̈nydït kekë melik Jowac, në luɔi bï kek aa kɔc ke Bɛ̈nydït, ku mɛckï löŋ në kaam de melik kekë kɔc.

2 Mel 11:17 ပူးပေါင်းရင်းမြစ်များ

2 Tham 5:3

Go bäny ke Yithriɛl kedhie lɔ tëde Debid në Ɣebron. Ago mät looi ke keek në Ɣebron në yïïŋ de Bɛ̈nydït lɔ̈ɔ̈m. Na wën ke ke jɔ Debid wäl nɔm miök ku tɔkï ee melik de Yithriɛl.

2 Mel 11:4

Na ɣɔn ë ruöön ë dhorou, ke Jeɣoyada bɛ̈ny de kake Nhialic tɔ bäny ke rem de tɔŋ cɔl, ku cɔɔl röördït ee melik tiit, ku kɔc ee baai de melik tiit, ku tɔ ke bɔ̈ ë Luaŋdït yic të nu yen, ku mɛc löŋ ke keek, ku tɔ ke gäm abïk gutguut lueel. Ku nyuth ke Jowac wën ë melik Aɣadhia,

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

1 Lëk 11:3

Ago bäny ke Yithriɛl kedhie lɔ tëde melik Debid ë Ɣebron. Gokï mät looi ë yen, ku jɔkï tɔc ë miök cït man ë kë cï Bɛ̈nydït lueel në Thamwɛl thok.

2 Lëk 23:16

Go Jeɣoyada bɛ̈ny de kake Nhialic Melik Jowac cɔɔl kekë kɔc bïk mät looi në luɔi bïï kek aa kɔc ke Bɛ̈nydït.

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

Edhr 10:3

Wok bï löŋ mac piny në Nhialic nɔm, yïn wekë kɔc ee riɔ̈ɔ̈c në löŋ ë Nhialic, bäk lɛ̈k wook kueer bï wok ë diäärkë pɔ̈l në mïthken ku buk luui në kë cïï löŋ de Nhialic lueel.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Jeremia 34:8

Go Jam de Bɛ̈nydït bɛ̈n tëde yɛn, wään cï melik Dhedekia kekë kɔc löŋ mac nɔn bïï lïïm gäm nɔm lääu ëbɛ̈n,

2 Kor 8:5

Ku acïï cït kë ë ŋäthku tei, acïk röt kɔn gäm Bɛ̈nydït, ku gɛmkï röt wook në këde piɔ̈n ë Nhialic.

Jocua 24:25

Go Jocua mät looi kekë kɔc ke Yithriɛl në Cekem ee köölë. Ku gëm keek lööŋ bï kek cath.

1 Tham 10:25

Ago Thamwɛl keek jɔ wɛ̈ɛ̈riic täu bïï melik tɔ̈u ayï luɔɔide, ku gɛ̈ɛ̈r ke piny në awerekic, ku tɛ̈ɛ̈u awerek tëɣeric. Ku jɔ kɔc bɛ̈n tɔ jäl.