2 Mel 11:14 - JAM DE NHIALIC 2011

¹⁴ Ku ëtɛ̈ɛ̈n ke tïŋ melik cï piac lɔc ke kääc të thöny wën ye bɛ̈ny rëër ë Luaŋdït yic, cït man ye ye looi në ciɛɛŋdenic, yen acï gɛɛu cil në bäny ke rem de tɔŋ, ku lɔ kɔc koth kɛŋ, ku raan ëbɛ̈n awou në miɛtë piɔ̈u. Go Athalia lupɔɔ ke rɛtiic në jiɛthëpiɔ̈u, ku moc kiɛɛu an, “Ee nyiin! Ee nyiin!”

2 Mel 11:14 ပူးပေါင်းရင်းမြစ်များ

Cäk 37:29

Na wën, apuk Ruben enɔm, ku yök Jothep ke liu në yithic, ke diu piɔ̈u ku ret lupɔɔke yiic.

Cäk 44:13

Ago mïthëkɔcken piɔ̈ɔ̈th diu arëët, ku retkï lupɔɔkeniic.

1 Mel 1:25

Ee köölë acï miöör juëc nɔ̈k, ku daau cuɛi, ku amɛ̈l, ku ë wɛ̈ɛ̈tku caal ë dhuëëŋic bïk nu thïn. Ku yen aya acï Jowap cɔɔl bɛ̈ny ë rem de tɔŋ, ku Abiathar bɛ̈ny de kake Nhialic. Keek aciëmkï ku dëkkï në yen ku mockï kiɛɛu an, ‘Yïn bï pïïr anandu melik Adonija.’

2 Mel 11:15

Jeɣoyada bɛ̈ny de kake Nhialic, aa cïï kɔɔr në luɔi bïï Athalia nɔ̈k në Luaŋdït yic, go bɛ̈ny nu në rem de tɔŋ nɔm yɔ̈ɔ̈k an, “Bɛ̈ɛ̈ikï bei në kɔciic, ku na de raan kɔɔr bï ye kony, ke näkkï.”

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

2 Mel 9:13

Go raan ëbɛ̈n ë ke yiic lupɔde bɛ̈ɛ̈i bei, ku thiethkï ke piny bï Jeɣu kɔ̈ɔ̈c ë kekɔ̈ɔ̈th, ku jɔ kaaŋ kooth, ku ciɛɛlkï an, “Jeɣu ee melik!”

2 Mel 9:23

Go Joram jöŋgörde puk ke kɔt ku yöök Aɣadhia në röldït an, “Wok cï nyiɛɛn! Wok cï nyiɛɛn!”

1 Lëk 12:40

Go kɔc bɛ̈n ë ɣään mec ke Dhiën nu të lɔ rut de yï Yithakar, ku Dhebulun, ku Naptali. Kɔc acïk bɛ̈n ë mul, ku thɔ̈rɔ̈ɔ̈l, ku miöör cï thiɔ̈ɔ̈ŋ kɔ̈ɔ̈th ë kacaam, ku aɣaar, ku ŋaap, ku rap, ku mäu ku miök de olip. Acïk ɣɔ̈k ku thök bïk bɛ̈n nɔ̈k ku cuetkï keek bɛ̈ɛ̈i. Kënë aaye nyuöth de miɛt de piɔ̈u cï rɔt looi ë baai yic ëbɛ̈n.

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

Kɛ̈ŋ 29:2

Bɛ̈ny piɛth piɔ̈u ee ya miɛtëpiɔ̈u, ku bɛ̈ny rac ee kɔc tɔ ŋun në keyäc.

Luk 19:37

Ku të cï en guɔ thiɔ̈k ke pänydït, ku cï ɣet ë kuur ë Olip thar, ke kut dïït ë kɔc piööcë ëbɛ̈n ke ke jɔ piɔ̈ɔ̈th miɛt ku leckï Nhialic ë röl dït në baŋ de luɔi dït ëbɛ̈n luɔi cïk tïŋ,