2 Mel 11:12 - JAM DE NHIALIC 2011

¹² Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

2 Mel 11:12 ပူးပေါင်းရင်းမြစ်များ

2 Tham 1:10

Aguɔ lɔ ë yelɔ̈ɔ̈m ku näk, në biäk ŋiɛc ɛn en nɔn bï yen thou wën cï yen wïïk. Na wën ke ya bïï göl bei ë yenɔm ku bɛ̈ɛ̈i ateek bei ë yeciin, ku acä keek yiɛ̈n yïn, bɛ̈ny.”

2 Tham 12:30

Na wën ke Debid ë nöm göl në Molek nɔm yanh de melik de Ammon, ku ade yic guɛɛl piɛth de adhääp, go Debid guɛɛl piɛth nööm ku tɛ̈ɛ̈uke ë gölde yic, ku acï kajuëc peec aya wutic

2 Tham 16:16

Na wën lee Ɣucai raan de Arkit mɛ̈thë Debid rɔ̈m kekë Abthalom, go cööt an, “Melik, yïn bï pïïr athɛɛr! Melik, yïn bï pïïr athɛɛr!”

2 Tham 2:4

Go kɔc ke Juda bɛ̈n Ɣebron ku jɔkï Debid tɔc ke ye melik de Juda ëbɛ̈n. Wën cïï Debid ye piŋ nɔn cïï kɔc ke Jabec Giliyad Thaulo tɔ̈ɔ̈u,

2 Tham 2:7

Ënɔɔnë jakï riɛl ku takï röt ee jööt, melikdun Thaulo acï thou, ku kɔc ke Juda acïk yɛn tɔc ke ya ye melikden.”

2 Tham 5:3

Go bäny ke Yithriɛl kedhie lɔ tëde Debid në Ɣebron. Ago mät looi ke keek në Ɣebron në yïïŋ de Bɛ̈nydït lɔ̈ɔ̈m. Na wën ke ke jɔ Debid wäl nɔm miök ku tɔkï ee melik de Yithriɛl.

1 Mel 1:25

Ee köölë acï miöör juëc nɔ̈k, ku daau cuɛi, ku amɛ̈l, ku ë wɛ̈ɛ̈tku caal ë dhuëëŋic bïk nu thïn. Ku yen aya acï Jowap cɔɔl bɛ̈ny ë rem de tɔŋ, ku Abiathar bɛ̈ny de kake Nhialic. Keek aciëmkï ku dëkkï në yen ku mockï kiɛɛu an, ‘Yïn bï pïïr anandu melik Adonija.’

1 Mel 1:34

Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

1 Mel 1:39

Go Dhadok bɛ̈ny de kake Nhialic aguun ë miök nööm në paany de Bɛ̈nydïtic ku tɔckï Tholomon nɔm. Ku kothkï kaaŋ, ku moc kɔc kiɛɛu an, “Yïn bï pïïr anandu melik Tholomon!”

1 Mel 2:44

Aŋic keek apiɛth kek awɛ̈ɛ̈c ye luöi wäär Debid. Bɛ̈nydït abï yïn luöi këtuc thok në biäkden.

2 Mel 11:11

Ku jɔ rem de tɔŋ tït kɔ̈ɔ̈c, raan ëbɛ̈n ke muk abätäude në yecin, gɔl në Luaŋdït thok biäk të lɔ wöuwic ale guööt ë biäk të lɔ rut, ke ke wil yïk ku Luaŋdït.

2 Mel 11:2

Acïn raan cï bɛ̈n tɔ poth ë thuɔɔuwic në mïth ke melikiic ɣɔn nɛ̈k ë Athalia keek man wuönden, ee Jowac yetök wën ɣɔn gɔp ë wɛcë yic Jeɣoceba, nyan ë melik Joram, ku ee nyan ë wun Aɣadhia. Aa jɔt kekë tiiŋ ee ye meth thuɛ̈ɛ̈t, ku leer ë biök nïïm, biök nu ɣön tɔ̈u në kal ë Luaŋdït yic, ku thiɛɛn në Athalia ke cï bï nɔ̈k.

2 Mel 11:4

Na ɣɔn ë ruöön ë dhorou, ke Jeɣoyada bɛ̈ny de kake Nhialic tɔ bäny ke rem de tɔŋ cɔl, ku cɔɔl röördït ee melik tiit, ku kɔc ee baai de melik tiit, ku tɔ ke bɔ̈ ë Luaŋdït yic të nu yen, ku mɛc löŋ ke keek, ku tɔ ke gäm abïk gutguut lueel. Ku nyuth ke Jowac wën ë melik Aɣadhia,

2 Mel 9:13

Go raan ëbɛ̈n ë ke yiic lupɔde bɛ̈ɛ̈i bei, ku thiethkï ke piny bï Jeɣu kɔ̈ɔ̈c ë kekɔ̈ɔ̈th, ku jɔ kaaŋ kooth, ku ciɛɛlkï an, “Jeɣu ee melik!”

2 Mel 9:3

ku jɔ wäl nɔm miök de oilpë, ku luel an, “Acï Bɛ̈nydït lueel an, ‘Yïn tac ke yï ye melik de Yithriɛl.’ Ku ëtɛ̈ɛ̈n liep ɣöt thok, ku dap kat.”

2 Lëk 23:11

Na wën ke Jeɣoyada bɛ̈ny de kake Nhialic ë leer Jowac biic, ku tɛ̈ɛ̈u göl ë yenɔm, ku gëm awereŋ töŋ de yic lööŋ ke luɔi de meliik. Ku jɔ bɛ̈n caal ke ee melik, go Jeɣoyada bɛ̈ny de kake Nhialic kekë wɛ̈ɛ̈tke Jowac tɔc ë miök, ago kɔc kedhie cööt ë röldït an, “Melik yïn bï pïïr athɛɛr!”

Ethta 2:17

Go Melik Ethta nhiaar awär duet kedhie, go tiam në duetiic, në luɔi cïï Ethta lɔ në yepiɔ̈u, go piɔ̈u kok ke yen, ago yiëk nɔm göl ë bääny, ku jɔ looi ke ee yen ee tiiŋ melik, ku bï lööny ë nyin ë tiiŋdɛn cɔl Bacti yic.

Diɛt 132:18

Yɛn bï kɔc ke aterde kuöm piny në ayäär, ku ciɛɛŋde abï kuɛth ku le ke dït.”

Diɛt 21:3

Acï gäm athiɛɛi dït, ku yiëkë nɔm göl de adhääp.

Diɛt 21:4

Acï yï lip në pïïr, go gäm en, acï gäm run juëc ke pïïr.

Diɛt 47:1

Wek kɔc wedhie, pamkï wecin në miɛtëpiɔ̈u! Pianykï Nhialic në röldït!

Diɛt 78:5

Acï lööŋ gäm kɔc ke Yithriɛl, ku mɛc löŋ ke kuat de Jakop. Acï kuarkuɔ yɔ̈ɔ̈k an, bïk mïthken wɛ̈ɛ̈t në lööŋke,

Diɛt 89:39

Yïn cï löŋduön cï mac wekë awundu dhoŋ kɔ̈u, ku dɛɛnyë gölde në dhuur nɔm.

Diɛt 98:8

Pamkï wecin, wek kiɛɛr, wek kur, kɛ̈tkï ëtök ke we mit piɔ̈ɔ̈th në Bɛ̈nydït nɔm,

Bɛ̈n 25:16

Ku tääukï pam ke kuur kaarou bä ke gäm yïn në athändukic, pam cïï ë lööŋ gɔ̈ɔ̈r në kekɔ̈ɔ̈th.

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Yith 8:16

Duötkï jamdï, ku tiɛtkï wëëtdï në kɔckiën ë piööcë yiic.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Dhiëëu 4:20

Acïk tëde pïïrda nööm, melik ë lɔc Bɛ̈nydït, raan ë ŋäthku në luöi bïï yen wo gël, të rëër wok ë juöör yiic.

Danyel 3:9

Gokï lɛ̈k melik Nebukadnedhar an, “Yïn bï pïïr anandu!”

Danyel 6:21

Go Danyel bɛ̈ɛ̈r an, “Yïn bï pïïr athɛɛr, melik!

Math 21:9

Go kut ë kɔc cath tueŋ kekë kut ë kɔc biɔth ke ciëën gokï ya cööt an, “Ɣothana ë tɔ̈u ke wën ë Debid! Thieithieei ë raan bɔ̈ në rin ke Bɛ̈nydït! Ɣothana ë tɔ̈u tënhial ya!”

Math 27:29

Na wën, aa cïk göl ë kuɔɔth nai, ke tueelkï ë yenɔm, ku tɛ̈ɛ̈ukï wai de aruöör ë ciin cuënyde, ku tukkï kemiɔl ë yenɔm, buikï, luelkï an, “Thieithieei, Melik de Judai!”

Luɔi 4:27

Kɔc acïk guëër në yic, kɔc de ater në Yecu Wënduön ɣeric, Wënduön cï tɔc, yï Ɣerod ayï Pontio Pilato, kekë Juöör ku kɔc ke Yithriɛl, aake guëër tëtöŋë,

2 Kor 1:21

Ku Raan ë wo tɔ kääc aril ë Kërtho yic wokë week ëtök, ku cï wo tɔc gup, yen aye Nhialic.

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

Nyuuth 19:12

Ku acït nyin liem de mac, ku nu gööl juëc ke dhuëëŋ ë yenɔm, ku acath ke rin cï gɔ̈ɔ̈r rin cïn raan ŋic ke, ee yen ŋic ke yetök.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 10:24

Ago Thamwɛl lɛ̈k kɔc an, “Yen raan cïï Bɛ̈nydït lɔc kï! Acïn raan töŋ cït en në woyiic wodhie.” Ago kɔc cööt lueelkï an, “Melik yïn bï tɔ̈u athɛɛr!”

1 Tham 16:13

Go Thamwɛl miök de olip nööm ku wɛ̈l ë Debid nɔm në wɛ̈ɛ̈tëkɔcken nïïm. Gɔl ëtɛ̈ɛ̈n, ku le tueŋ, Wëi ke Bɛ̈nydït acïk bɛ̈n tɔ̈u në Debid guöp. Ku jɔ Thamwɛl rɔt bɛ̈n puɔ̈k Rama.