2 Mel 10:5 - JAM DE NHIALIC 2011

⁵ Go bɛ̈ny de rem tɔ̈u në ɣön ë melik nɔm, ku bäny mac baai, ku kɔc ke wut, ku kɔc ee mïth ke melik tiit, acïk awerekë bɛ̈n tuöc Jeɣu, luelkï an: “Wok ee lïïmku, ku wok gam këriëëc bä lɛ̈k wook ëbɛ̈n, ku acïn raan buk looi ke ye melik, loi kë ye tiŋ ke piɛth ë yïnyin.”

2 Mel 10:5 ပူးပေါင်းရင်းမြစ်များ

1 Mel 20:32

Gokï lupɔɔ ke cuɔl tääu në kekɔ̈ɔ̈th, ku duutkï awiɛɛth në ke yiëth, ku lekkï tëde Aɣap ku luelkï an, “Lïmduön Benɣadad aläŋ yïn, bä piɔ̈u kok wekë yen.” Go Aɣap bɛ̈ɛ̈r an, “Ŋoot ke pïïr? Apiɛth! Yen ee wänmääth!”

1 Mel 20:4

Go Aɣap puk nɔm an, “lɛ̈kë bɛ̈nydïïtdï, melik Benɣadad nɔn cän gam, abï ya lɛɛr, ku këriëëcdiën tɔ̈u ke yɛn ëbɛ̈n.”

2 Mel 10:6

Go Jeɣu ke bɛ gäär awerek däŋ ë rou an, “Na täukï në yɛn, na yak jamdï piŋ, ke we bïï nïïm ke käu de melik Aɣap, ku yiɛ̈nkï ke yɛn Jedhreel në thaar cït ee kënë miäk.” Ku käu de melik Aɣap kathiërdhorou, aake ye bäny ke tiit baai ë Thamaria, kɔc ɣɔn muk keek.

2 Mel 18:14

Go Ɣedhekia melik de Juda jam tuöc Thenakerip melik de Athiriya ɣɔn tɔ̈u në Lacic an, “Yɛn cï awäc looi, ka yïn duëër a pɔ̈l, ku yɛn bï kë kɔɔr ëbɛ̈n gäm yïn.” Go melik de Athiriya lueel an kɔɔr aguum kathiëër 10,000 ke kilɔɔ ke ateek, ku agum töŋ 1,000 de kilɔɔ ke adhääp tëde Ɣedhekia.

Jeremia 27:17

Duökï jamden piŋ! Luööikï melik de Babilonia ku we bï pïïr! Eeŋö duëër ee pänydït tɔ ee dhuur nɔm?

Kuɛ̈n 11:12

Ee yɛn ë cak keek? Ee yɛn ë dhiëth keek? Ka eeŋö tɔ yïn ke guööc cït man ye awut meth boom në yeyɔu, abïk ɣet piny ɣɔn bï yïn kuëëŋ an bä gäm kuarken?

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jocua 9:11

Ka wook, ee röördïtkuɔ, ku raan ëbɛ̈n raan rɛ̈ɛ̈r pinyda kek ë lëk ë wook an, “Nɔ̈mkï kacaam ke kueeric ku jälkï lak lɛ̈kkï kɔc ke Yithriɛl an, ‘Wok ee lïïmkun, luɔikï amat në wook.’

Jocua 9:8

Gokï lɛ̈k Jocua an, “Wok ee lïïmku? Go Jocua ke luɔp an, “Ee wek yï ŋa? Ku bäkï nou?”