2 Mel 10:31 - JAM DE NHIALIC 2011

³¹ Ku Jeɣu aa kën löŋ de Bɛ̈nydït, Nhialic de Yithriɛl döt apiɛth në yepiɔ̈u ëbɛ̈n, akën rɔt mɛc wei në awäny de Jerobowam yic, raan ɣɔn tɔ kɔc ke Yithriɛl wäc.

2 Mel 10:31 ပူးပေါင်းရင်းမြစ်များ

1 Mel 14:16

Bɛ̈nydït abï Yithriɛl pɔ̈l në biäk cï Jerobowam wäc ku thel kɔc ke Yithriɛl në awäcic.”

1 Mel 2:4

Na lɔ ee kënë looi, ke Bɛ̈nydït abï löŋdɛn wään cï thɔ̈n ɛn döt ɣɔn lueel en en an, na lɔ käudu rëër në rëër rɔ̈ŋ ke täu duëër kek rëër, ku kuanykï Yacök në piɔ̈nden ëbɛ̈n, ku në wëiken ëbɛ̈n, ke yïn bï dɛ mïth bï aa meliik në thööny de Yithriɛl nɔm.

2 Mel 10:29

Ku Jeɣu akën rɔt mɛc wei në awɛ̈ɛ̈c ke melik Jerobowam wën ë Nebat yic, ɣɔn tɔ Yithriɛl lɔ në awäny de läm de miöör ke adhääp, wään cï ke tääu ë Bethel ku Dan.

2 Mel 17:22

Kɔc ke Yithriɛl kedhie acïk bɛ̈n cath në awɛ̈ɛ̈c cïï Jerobowam ke looi yiic, akënkï jäl në ke yiic,

2 Mel 3:3

Ku acït Jerobowam wën ë Nebat ɣɔn wɛt Yithriɛl në awɛ̈ɛ̈c yiic, ku akën ke pɔ̈l.

2 Lëk 6:16

Ku ënɔɔnë Bɛ̈nydït, Nhialic de Yithriɛl, muk gutguut wään bä lɛ̈k wäär Debid an, yïn bï nɔm aa dɛ raan töŋ de dhiëndu bï lɔ̈ɔ̈k aa melik de Yithriɛl, të le kek aa kɔc ee lööŋku riëëu apiɛth cït man cï yen ye looi.

Neɣe 10:29

wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Diɛt 119:9

Duëër dhuök pïïrden tɔ lɔ wai adï? Ee në riëëu bï kek lööŋku aa riëëu.

Diɛt 39:1

Acä lueel an, “Yɛn bï a thok tiit ëgɔk, ke ya cï bï wäc në yaliep, yɛn bï yathok roop të rɛ̈ɛ̈r ɛn wok ë kɔc rac.

Diɛt 78:10

Akënkï löŋ cïk mac në Nhialic döt, gokï löŋde kɛ̈n riëëu.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Danyel 9:10

Bɛ̈nydït Nhialicda yïn kënku piŋ thok, wään bï yïn wook yöök, buk aa rëër cït man ë kë cï lööŋkuön wään bä gäm wook në lïïmkuön tït thook lueel.

Nyöŋ 4:15

“Wään bï Bɛ̈nydït jam kekë week ë macic në kuur ë Thinai nɔm, ku wek kën guöpde tïŋ tän tɔ̈u En, në baŋ de piathdun, jakï röt tiit apiɛth

Nyöŋ 4:23

Ku dɔ̈tkï apiɛth, ke we cïï nïïm bï määr në män cïï Bɛ̈nydït Nhialicdun looi kekë week. Riëëukï löŋde ku duökï röt lui yath,

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Ɣeberuu 2:1

Kimku wonïïm piny apiɛth, ku dötku wël cï lɛ̈k wook, ke wo cï bï jäl në yicic ke kucku röt.