2 Mel 1:4 - JAM DE NHIALIC 2011

⁴ Ku ënɔɔnë acï Bɛ̈nydït lueel an, ‘Biöŋ cï yïn lɔ në yenɔmë, yïn cï rɔt bï jɔt thïn, yïn bï thou ë yic!”’ Go Elija looi cït man cïï Bɛ̈nydït e yɔ̈ɔ̈k.

2 Mel 1:4 ပူးပေါင်းရင်းမြစ်များ

Cäk 2:17

Ku tim de ŋïny de käŋ, kapiɛth ku karɛc yetök. Yen acïn mïthke bï cam, ku kööl le yïn e cam, yïn bï thou.”

Cäk 3:4

Go kërac puɔ̈k nɔm tik an, “Kënë acie yic, wek cï bï thou.

1 Mel 14:12

Go Aɣija ŋoot ke lëk tiiŋ Jerobowam an, “Ënɔɔnë lɔɔr baaidu, të le yïn pänydït käc yic në yïcök, wëndu abï thou.

1 Mel 18:2

Go Elija lɔ lee rɔt nyuöth Aɣap, ku cɔk aacï jɔ dït aläl në Thamaria.

2 Mel 1:16

ku lëk en an, “Acï Bɛ̈nydït lueel an, ‘Në biäk cïï yïn tuuc tuɔɔc bïk Baaldhebub yanh de Ekeron lɔ luɔp, ee luɔi cïn en Nhialic nu në Yithriɛl duëër yïn wëlke luɔp? Në biäk de ee kënë, yïn cïï rɔt bï jɔt në biöŋ cï yïn lɔ në yenɔmë, yïn bï thou ë yic!”’

2 Mel 1:5

Ago tuuc kenïïm pɔ̈k melik, go melik ke thiëëc an, “Eeŋö guɔ wek röt lɔ puk?”

2 Mel 1:6

Gokï pɔ̈k nɔm en an, “Ade raan cï rɔ̈m ke wook, ku lɛ̈k wook an, ‘Pɔ̈kkï röt melik cï we tooc, ku lɛ̈kkï yen an, ‘acï Bɛ̈nydït lueel an ee luɔi cïn en Nhialic nu në Yithriɛl yen tɔ yï tuc kɔc Baaldhebub yanh ë Ekeron, bïk lɔ luɔp? Në biäk de ee kënë, biöŋ cï yïn lɔ në yenɔmë, yïn cï rɔt bï jɔt thïn, yïn bï thou ë yic!”’

2 Mel 20:1

Në ë kaamë melik Ɣedhekia aa cï jɔk dɔm, ku acï thiɔ̈k ke thuɔɔu, go tiët ë Nhialic Yithaya wën Amoth yen lɔ tïŋ ku lɛ̈k en an, “Acïï Bɛ̈nydït lɛ̈k yïn an coc kaku ëbɛ̈n jɔŋ nu ë yïguöpë acï bï thök, abï yï nɔ̈k.”

2 Mel 8:10

Go Elica bɛ̈ɛ̈r, an, “Acï Bɛ̈nydït nyuöth ɛn nɔn bï yen thou, ku lɔ tëde yen ku lɛ̈kë yen an yïn bï guöp pial.”

Kɛ̈ŋ 11:19

Pïïr ee këde raan kääc aril në piathëpiɔ̈uwic, ku raan ee kat ë karɛc cök aye thuɔɔu yök.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Kuɛ̈n 26:65

Aa cïï Bɛ̈nydït guiir nɔn bï kek thou në jɔ̈ɔ̈ric kedhie. Acïk bɛ̈n thou abï cïn raan töŋ dɔ̈ŋ, ee Kalep wën ë Jepuna kekë Jocua wën Nun kek aa dɔ̈ŋ kapäc.

1 Tham 28:19

Abï yïn tääu ë kɔc ke Pilithiin cin wekë kɔc ke Yithriɛl. Miäk aköl, yïn wekë wɛ̈ɛ̈tku, wek bï bɛ̈n të täu ɛn thïn, ku Bɛ̈nydït abï rem de tɔŋ ë Yithriɛl tääu ë Pilithiin cin aya.”