2 Mel 1:15 - JAM DE NHIALIC 2011

¹⁵ Go tunynhial ë Bɛ̈nydït lɛ̈k Elija, an, “Lɔ piny we yen, du riɔ̈c në yen.” Go Elija lɔ piny kekë bɛ̈ny ë rem de tɔŋ, ku lekkï tëde melik,

2 Mel 1:15 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

1 Mel 18:15

Go Elija bɛ̈ɛ̈r an, “Yɛn ë kuëëŋ në Bɛ̈nydït de rɛm, Raan ya luööi nɔn bän rɔt nyuöth melik ee köölë.”

2 Mel 1:14

Tïŋ mac ëbɛ̈n piny paannhial, ku nɛ̈k bäny ke rem de tɔŋ tueŋë kaarou në thiërdhïcken. Ku ënɔɔnë ë ya yök dhuëëŋ de piɔ̈u tëde yïn!”

2 Mel 1:3

Ku tunynhial ë Bɛ̈nydït acï lɛ̈k Elija raan ë Ticibe bïï lɔ rɔ̈m kekë tuuc ke melik Aɣadhia, ku bïï keek thiëc an, “Eeŋö ee week tɔ lɔ tëde Baaldhebub yanh ë Ekeron? Ee biäk cïn en Nhialic nu në Yithriɛl?

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Jeremia 1:17

Guiir rɔt, Jeremia, lɔ lɛ̈k ë keek këriëëc cä lɛ̈k yïn ëbɛ̈n an, bä lɔ lɛ̈k keek. Du riɔ̈c në keek ënɔɔnë, ku nɔn bä yïn tɔ riɔ̈c ë keek arëët, të le yïn lɔ tɔ̈u në keyiic.

Jeremia 15:20

Yïn bä tɔ cït kal de maläŋ ril të de keek. Abïk thɔ̈ɔ̈r ë yïn, ku acïkï yïn bï tiam, Yɛn bï tɔ̈u wo yïn, ku gɛ̈l yïn ku muɔ̈k yïn aril.

Edhekiɛl 2:6

“Ku yïn an, mɛnh ë raan, yïn cïï bï riɔ̈ɔ̈c në keek, ku nɔn riɔ̈c në kë bïk lueel. Keek abïk yïn läät ku abïk yïn biɔn guöp, yïn bï ciët raan rɛ̈ɛ̈r ë manciëëi yiic. Ku ŋuɔɔtë ke yï cïï riɔ̈c në keek, kek kɔc ril nïïmkë ku nɔn yen kë bïk lueel.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Ɣeberuu 11:27

Në biäk de gäm de yic aŋäth, Mothe paan ë Rip bɛ̈n nyääŋ piny, ku cï riɔ̈c në agönh ë melik, aaye Nhialic ŋɔ̈ɔ̈th Raan kën tïŋ guöp.