2 Lëk 9:21 - JAM DE NHIALIC 2011

²¹ Melik Tholomon aa de nɔm abëël wïïr juëc ee lɔ Tarcic, ayek cath në abëël wïïr ke melik Ɣiram. Na cï run kadiäk wan abëël wïïr ayek kenïïm pɔ̈k ciëën në Tarcic, ke ke bïï adhääp, ku atek, ku tuŋ ke akɔ̈ɔ̈n, ku agaŋ jak, ku agaŋ lok.

2 Lëk 9:21 ပူးပေါင်းရင်းမြစ်များ

1 Mel 10:22

Ku melik ade nɔm abëël wïïr ke Tarcic në wɛ̈ɛ̈ric ee käŋ lɔ ɣaac raan tök të cï run kadiäk tëëk në abëël wïïr ke Ɣiram ëtök, ku të bï kek ciëën në abëël wïïr ke Tarcic ayek adhääp ku ateek, ku tuŋ ke akɔ̈ɔ̈n, ku agaŋ jak, ku agɔk lok bɛ̈ɛ̈i.

1 Mel 22:48

Jeɣocapat acï abëël wïïr dït ee lɔ Tarcic looi, abëël wïïr bï aa ɣet piny de Opir bïk adhääp aa lɔ bɛ̈ɛ̈i, ku abëël wïïr dït akënkï bɛ̈n ɣet, acïk bɛ̈n guɔ dhuɔɔŋ të cɔl Edhiongeber.

2 Lëk 8:18

Go melik Ɣiram tuöc abëël wïïrke, ke ke kuɛɛth bänyken ke rem de tɔŋ, kɔc ŋic gɛ̈ɛ̈r. Gokï lɔ wïïr në bäny ke rem de tɔŋ de Tholomon ëtök, lekï piny de Opir, ku lek melik Tholomon yiɛ̈n ka wär bot kathiëër ku dhïc 15,000 de kilɔɔ ke adhääp.

2 Lëk 9:20

Abïïny ke melik Tholomon kedhie acï ke cuëëc në adhääp, ku aduuk kedhie nu ɣön dïït nu ë roor de Lebanɔn yic, acï keek looi në adhäm awai. Ateek aaye tïŋ ke cïn naamde në akööl ke Tholomon.

Jop 39:13

Pialë wuök ke wut aduëër en ke kat, ku acie päär cït man ë jak.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Jeremia 10:9

Yiëthken acï keek rɔɔth kɔ̈ɔ̈th në ateŋ ë Tarcic, ku adhäm ë Yupadh, ee luɔi de atëët ëbɛ̈n, aceŋkï lupɔ kääcduet ku lupɔ amujuŋ aake looi ë atën ee lupɔɔ kɔɔc.

Edhekiɛl 27:12

“Yïn cï käŋ ɣaac në Tarcic ku nöm ateek, ku wëëth, ku ayöm, ku kuɛ̈l ke ye kë ɣɔɔcë kakuön juëc.

Edhekiɛl 27:15

Kɔc ke Rodeth ayek ɣööc tëde week, kɔc tɔ̈u në wɛ̈ɛ̈r yɔu ëbɛ̈n ayek we gäm tuŋ ke akön ku agɔk wɛɛrë ke kakun.

Jona 1:3

Go Jona yenɔm cɔ̈k Tarcic, an kɔt në Bɛ̈nydït. Ago lɔ Jopa ku yök abël wïïr ëtɛ̈ɛ̈n, ke kɔɔr lɔ wun mec cɔl Tarcic. Ago wëu ke ariöpde yen kɔ̈u cuat piny, ku jɔkï ger ke ke lɔ Tarcic, të cïï yen Bɛ̈nydït bï bɛ tïŋ nyin.