2 Lëk 7:8 - JAM DE NHIALIC 2011

⁸ Na wën ke Tholomon kekë kɔc ke Yithriɛl kedhie ë ke loi Dhuëëŋ de Kɛ̈ɛ̈t në nïn kadiäk. Aa ye akutnɔm dïït de kɔc ë bɔ̈ tëmec, kɔ̈k aake bɔ̈ në kueer de Ɣamath të lɔ rut, ku bɔ̈ kɔ̈k në aken de Rip nɔm të lɔ wöuwic.

2 Lëk 7:8 ပူးပေါင်းရင်းမြစ်များ

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

1 Mel 8:2

Go kɔc ke Yithriɛl kenïïm kut kedhie, në kööl ë Dhuëëŋ de Kɛ̈ɛ̈t në pɛɛi cɔl Ethanim, pɛɛi de dhorou.

1 Mel 8:65

Go Tholomon kekë amatnɔm dïït de Yithriɛl ëbɛ̈n Dhuëëŋ de Kɛ̈ɛ̈t looi në Bɛ̈nydït Nhialic nɔm ëtɛ̈ɛ̈n ë luaŋdït yic, në nïniic kadhorou. Go kɔc juëc kenïïm mat ëtɛ̈ɛ̈n, kɔc ëbɔ̈ në Ɣamath të lɔ rut, në aken ë Rip të lɔ wöuwic.

2 Lëk 30:13

Na wën ke kut dïït de kɔc ë jɔ guëër Jeruthalem ë pɛɛi de rou, bïk Dhuëëŋ de Kuïn Cïnic Luɔu bɛ̈n looi, aaye amatnɔm dït aläl.

2 Lëk 30:26

Ago pänydït de Jeruthalem thiäŋ ke miɛt ë piɔ̈u dïït agök, në biäk kën ë dhuëëŋ cït ee kënë kɔn looi në akööl ke melik Tholomon wën de Debid cök.

2 Lëk 5:3

Na wën ke kɔc ke Yithriɛl ë ke bɔ̈ kedhie në melik nɔm në akööl ke Dhuëëŋ de Kɛ̈ɛ̈t.

Edhekiɛl 45:25

Në pɛɛi de dhorou, në kööl ë thiëër ku dhïc ë pɛɛi yic ku në nïn kadhorou de Dhuëëŋ de Kɛ̈ɛ̈t yic, yen miɔ̈c cït ee kënë de pal awɛ̈ɛ̈c, abï miɔ̈c cït ee kënë bɛ gam në biäk de miɔ̈c de awɛ̈ɛ̈c, miɔ̈c ye nyop ëbɛ̈n, ku miɔ̈c ë rap, ku miɔ̈c de miök de olip.”

Edhekiɛl 47:20

“Aken de aköl athɛ̈i ee rɔt gɔl në Wɛ̈ɛ̈r Ɣer kɔ̈u, tëëk të lɔ rut lee ë tuŋ tɔ̈u të lɔ në Ɣamath thok.

Amoth 6:14

Acï Bɛ̈nydït Nhialic Awärjäŋ lueel an, “Wek baai de Yithriɛl, wek bä tuöc rem de tɔŋ de jur däŋ, bïk pinydun bɛ̈n rum. Abïk we bɛ̈n yɔŋ, gɔl në Ɣamath të lɔ rut, ku bïï në wak de Araba të lɔ wöuwic.

Jɔn 7:2

Ku dhuëëŋ ë Judai ë guɔ thiɔ̈k, Dhuëëŋ de Kɛ̈ɛ̈t.