2 Lëk 7:6 - JAM DE NHIALIC 2011

⁶ Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

2 Lëk 7:6 ပူးပေါင်းရင်းမြစ်များ

1 Lëk 13:8

ku jɔ Debid ke kɔc kedhie cɔ̈ŋ ë riɛlden ëbɛ̈n ke ke dhuëŋ Nhialic guöp. Gokï ket ku thuëëckï, ke ke gut thoom, ku lɔ̈r, ku kɛŋ.

1 Lëk 15:24

Ku Cebania, ku Jocapat, ku Nethaniɛl, ku Amathai, ku Dhekaria, ku Benaya, ku Eliedher, bɛ̈ny de kake Nhialic, ee yen bï kaaŋ aa kooth në athänduŋ de män ë Nhialic nɔm. Ku Obed Edom, ku Jeɣia keek aya abïk aa kɔc ee tïït në kal de Athänduŋ de mät thok.

1 Lëk 16:34

Gamkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr.

2 Lëk 23:18

Go Jeɣoyada, bäny ke kake Nhialic ku kɔc ke Lebai tääu ë luɔi de Luaŋdïït ë Bɛ̈nydït nɔm. Abïk luɔi cï melik gäm keek Debid aa looi, ku bïk miɔ̈c ye nyop ëbɛ̈n cï gäm Bɛ̈nydït aa looi cït man ë kë cï lööŋ ke Mothe lueel. Ku abïk luɔi de kɛŋ ku lɔ̈r aa muk, ku akööl ke dhuëëŋ.

2 Lëk 29:25

Go melik lööŋ cïï Bɛ̈nydït lɛ̈k melik Debid në jam de tiët Nathan ku Gad monydaai looi, go Lebai tɔ kääc në Luaŋdïtic, ke ke muk thoom ku lɔ̈r,

2 Lëk 29:27

Go Ɣedhekia keek yɔ̈ɔ̈k bïk miɔ̈c ye nyop ëbɛ̈n gam ë yïk nɔm, na wën aa cï gɛm de miɔ̈c rɔt gɔl, go kɔc jɔ lɔ ke ke ket diɛt piɔɔnyë Bɛ̈nydït, ku gɔl kɔc ee thom gut, ku kɔc ee kɛŋ kooth luɔiden, ku jɔ kɛŋ ke dhuëëŋ gut kedhie ayadäŋ.

2 Lëk 5:12

Kɔc ke Lebai ee ket kedhie, Athap, Ɣeman, ku Jeduthun, ku wɛ̈ɛ̈tken ku kɔcken, aceŋkï lupɔɔ piɛth lɔ mot. Go Lebai ku bäny ke kake Nhialic bot kaarou ku thiërrou kɔ̈ɔ̈c ë biäk të lɔ aköl amiäk de yïk, ke ke gut lɔ̈r, ku thom, ku kothkï aruöör ku kɛŋ ke ke ket.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

2 Lëk 7:3

Na wën cï mïth ke Yithriɛl mac tïŋ ke löny nhial ku thiäŋ ɣɛɛr Luaŋdïtic, gokï kenïïm guöt piny, ke ke lam Bɛ̈nydït, ku leckï nɔm ku piɔnykï an, “Yen apiɛth, ku nhiëërdɛn agɔk atɔ̈u athɛɛr.”

2 Lëk 7:5

Go Tholomon aguum kathiërrou ku rou 22,000 de ɣɔ̈k gam, ku aguum bɔt ku thiërrou 120,000 de amɛ̈l ke ye miɔ̈c de mät. Gokï ɣön ë Nhialic jɔ gam ëtɛ̈ɛ̈n yen kekë kɔc kedhie.

Edhr 6:18

Keek acïk bäny ke kake Nhialic bɛ̈n tɛ̈ɛ̈kic në biöök ku lɔ Lebai në biöökden në biäk de luɔi de Nhialic në Jeruthalem, cït man cïï ye gɔ̈ɔ̈r në awerek de Mothe yic.

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 107:1

“Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!

Diɛt 138:8

Yïn bï këriëëc cï yïn gutguut lueel ëbɛ̈n looi, Bɛ̈nydït nhiëërduön agɔk ee tɔ̈u athɛɛr! Thöl luɔiduön cï gɔl.

Diɛt 87:7

Abïk aa cɔ̈ŋ ku kitkï an, “Dhiɔn ee tën ë gɔl athiɛɛida rɔt thïn ëbɛ̈n.”

Yith 52:6

Në akööl bɔ̈ tueŋ abäk jɔ ŋic nɔn ee Yɛn Bɛ̈nydït Awärjäŋ, ku ee Yɛn ë jam wo week.”

Amoth 6:5

Wek nhiaar diɛt ke thoom cït man ë Debid, thoom ya wek diɛt ɣäär yiic gut.

Jocua 6:4

Bäny ke kake Nhialic kadhorou, ë ke ye cath në athänduŋ de mät nɔm tueŋ ke ke muk kɛŋ. Ku në kööl ye akööl dhorou, ke we wil pänydït piny raandhorou wekë remduön ë tɔŋ, ku lɔ bäny ke kakë Nhialic ke ke koth kɛŋ.