2 Lëk 7:5 - JAM DE NHIALIC 2011

⁵ Go Tholomon aguum kathiërrou ku rou 22,000 de ɣɔ̈k gam, ku aguum bɔt ku thiërrou 120,000 de amɛ̈l ke ye miɔ̈c de mät. Gokï ɣön ë Nhialic jɔ gam ëtɛ̈ɛ̈n yen kekë kɔc kedhie.

2 Lëk 7:5 ပူးပေါင်းရင်းမြစ်များ

1 Lëk 29:21

Na wën, në kööl däŋë gokï läi nɔ̈k ke ke ye miɔ̈c ye nyop ëbɛ̈n, miɔ̈c gɛ̈më Bɛ̈nydït, ku gëmkï keek Nhialic, gokï gäm kɔc bïk cam. Ku bekï aguum ke miöör nɔ̈k, ku aguum ke nyök amɛ̈l, ku nɛ̈kkï aguum ke amɛ̈l, ku nyopkï keek kedhie ë yïk nɔm. Ku bïïkï miɔ̈c de mɔ̈u aya.

2 Lëk 1:6

Go melik Bɛ̈nydït lam në paany de mät nɔm tueŋ, ku gɛm miɔ̈c näk në yïïŋ de maläŋ nɔm, acï aguum ke ɣɔ̈k bɛ̈n tɔ näk ku ye miɔ̈c ye nyop ëbɛ̈n ë yïk nɔm.

2 Lëk 15:11

Yen ee köölë acïk Bɛ̈nydït bɛ̈n gäm miɔ̈c ye nyop ëbɛ̈n ë kak ë peckï yiic. Bot kadhorou (700) de ɣɔ̈k, ku aguum kadhorou 7000 de thök.

2 Lëk 2:4

Yɛn yïk Luaŋdït, bä yɛn Nhialicdï riëëu guöp. Abï aa tëɣeric, të bän aa lɔ̈ŋ thïn wok ë kɔckï ku nyopku wal ŋïr, ku të bïï wok miɔ̈c de kuïn cï pam aa gam ë ceŋ, ku ee të bïï wok miɔ̈c ye nyop ëbɛ̈n gam ë ceŋ miäk ku thëën, ku akööl ke Thabath, ku dhuëëŋ de Wil ë Pɛɛi, ku lɔ akööl kɔ̈k ɣeriic, bïï ke Bɛ̈nydït Nhialicda riëëu guöp. Acï kɔc ke Yithriɛl yɔ̈ɔ̈k bïk ee kënë looi aɣet athɛɛr.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

2 Lëk 5:6

Go melik Tholomon ku akutnɔm de Yithriɛl cï guëër kedhie kenïïm kut lɔ kɔ̈ɔ̈c në athänduŋ de mät lɔ̈ɔ̈m, ku nɛ̈kkï amɛ̈l ku ɣɔ̈k juëc cïï duëër ë lëu ë kuɛ̈n.

2 Lëk 7:4

Go Tholomon kekë kɔc kedhie miɔ̈c jɔ gam.

2 Lëk 7:6

Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

Edhekiɛl 45:17

Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Maika 6:7

Bï Bɛ̈nydït piɔ̈u miɛt kekë agum ke nyök amɛ̈l? Ku nɔn bï aguum kathiëër ke kiɛɛr ke miök nhiaar? Ja Bɛ̈nydït bɛ̈n gäm mɛnh kɛ̈idï bï nɔm aa karɛc cä looi? Bä gäm mɛnh ë nɔmdï ke bï ya päl awɛ̈ɛ̈ckï?

Kuɛ̈n 7:10

Ku bäny ke dhiën, aake cï miɔ̈c kɔ̈k bɛ̈ɛ̈i ayadäŋ ke ye miɔ̈c de dhuëëŋ gɛmë yïk. Agokï ke gäm Bɛ̈nydït.

Jɔn 10:22

Ku nu dhuëëŋ ë Jeruthalem, Dhuëëŋ de kööl cïï Luaŋdït gäm Nhialic: