2 Lëk 7:17 - JAM DE NHIALIC 2011

¹⁷ Na lɔ Ya lɔ luööi në piɔ̈n adöt cït man cï ë wuur Debid ye looi, ku riëëuwë lööŋkï, ku loi këriëëc cä lueel ëbɛ̈n,

2 Lëk 7:17 ပူးပေါင်းရင်းမြစ်များ

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

1 Mel 2:3

ku ye löŋ ë Bɛ̈nydït Nhialicdu döt, ku ye cath në kuɛɛrke yiic kedhie. Ye cök ke lööŋ kedhie döt, kakɛn lueel cït man cï ye gɔ̈ɔ̈r në löŋ ë Mothe yic ke yï bï athiɛɛi yök në këriëëc loi yic ëbɛ̈n, ku ɣään ee yïn ke lɔ thïn ëbɛ̈n.

1 Mel 3:14

Ku të bï yïn aa cath ë kuɛɛrkï yiic, ku bä jamdï ku lööŋkï ya döt cït man ɣɔn ee wuur Debid cath, ke Yɛn bï aköölku ŋuak nyïïn.

1 Mel 8:25

Ku ënɔɔnë Bɛ̈nydït Nhialic de Yithriɛl, kë cï lɛ̈k, Debid wäär raanduön ee Yï luööi, cök ë muk Yïn en, kë ɣɔn lueel an, Yïn cïï bï ciën raan ë Yanɔm, raan bï nyuc ë thööny ë Yithriɛl nɔm, na ye mïthku röt tiit në kueer bïk bɛ̈n aa rëër ë Yanɔm cït man ye yïn rëër ë Yanɔm.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 6:16

Ku ënɔɔnë Bɛ̈nydït, Nhialic de Yithriɛl, muk gutguut wään bä lɛ̈k wäär Debid an, yïn bï nɔm aa dɛ raan töŋ de dhiëndu bï lɔ̈ɔ̈k aa melik de Yithriɛl, të le kek aa kɔc ee lööŋku riëëu apiɛth cït man cï yen ye looi.

2 Lëk 7:16

në biäk cän ee tënë lɔc ku thiɛɛi ke ee të bïï ë yɛn aa lam thïn aɣet athɛɛr. Abä aa woi ku gël akööl yiic ëbɛ̈n.

2 Lëk 7:18

Yɛn bï gutguut cä luöi wuur Debid looi, wään lɛ̈k Ɛn en an, kɔc ke Yithriɛl abï kuatdu keek aa wat ë ceŋ.

Diɛt 105:45

Ago kɔcke lööŋke riëëu ku dötkï cök ke lööŋke kedhie. Lɛckï Bɛ̈nydït!

Diɛt 119:5

ku aŋääth nɔn bän aa raan adöt aguɔ lööŋku döt!

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Dhek 3:7

Acï Bɛ̈nydït de rɛm lueel an: “Na bä kuɛɛrdï kuany yic, ku döt löŋdï. Ke yïn bä tɔ ye bɛ̈ny de ɣöndï kekë kalde ëbɛ̈n. Ku yïn bä tɔ cït kɔc kääc wekë.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 15:10

Të dɔ̈t wek lööŋ cä thɔ̈n week, ke we bï rëër ë nhiëërdï yic, cït man cän lööŋ cï wäär a thɔn döt, aguɔ rëër ë nhiëërde yic.

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.