2 Lëk 7:10 - JAM DE NHIALIC 2011

¹⁰ na ɣɔn ë kööl de rou, në kööl de thiërrou ku diäk ë pɛɛi de dhorou, go Tholomon kɔc jɔ tɔ lɔ ë bɛ̈iken yiic. Aake mit piɔ̈ɔ̈th në biäk de athiɛɛi cïï Bɛ̈nydït gäm kɔckɛn ke Yithriɛl ëbɛ̈n, ku Debid, ku Tholomon.

2 Lëk 7:10 ပူးပေါင်းရင်းမြစ်များ

1 Mel 8:66

Në kööl ëbɛ̈t, go Tholomon kɔc tɔ lɔ në bɛ̈iken yiic. Go kɔc melik leec ku jiëlkï ke ke mit piɔ̈ɔ̈th kedhie, në athiɛɛi cïï Bɛ̈nydït gäm Debid raandɛn ee ye luööi kekë kɔckɛn ke Yithriɛl.

2 Lëk 29:36

Go melik Ɣedhekia piɔ̈u miɛt ku mit kɔc piɔ̈ɔ̈th, në biäk cïï Nhialic keek kuɔny bïk luɔi dap looi ëbɛ̈n.

2 Lëk 30:26

Ago pänydït de Jeruthalem thiäŋ ke miɛt ë piɔ̈u dïït agök, në biäk kën ë dhuëëŋ cït ee kënë kɔn looi në akööl ke melik Tholomon wën de Debid cök.

2 Lëk 6:41

Ënɔɔnë, jɔt rɔt Bɛ̈nydït Nhialic, lɔɔr wekë athänduŋ de mät, kïn de riɛldu, lɔɔr ë Luaŋdïtic ku rɛ̈ɛ̈rë ëtɛ̈ɛ̈n aɣet athɛɛr. Thiei kɔckuön ke kake Nhialic, në kë yek looi yic ëbɛ̈n, ku tɔ kɔcku mit piɔ̈ɔ̈th kedhie në biäk de piathdu tëde keek.

2 Lëk 7:11

Na ɣɔn cï melik Tholomon Luaŋdït kekë ɣön ë bäänyde thöl ë luɔɔi, ku tiëm apiɛth ë luɔide yic.

2 Lëk 7:9

Acïk nïn kadhorou thöl në gɛm de yïk, ku thölkï nïn kɔ̈k kadhorou në biäk de dhuëëŋ. Ku në kööl de bɛ̈t ke amatnɔm ë jɔ dhuëëŋ de thök thöl,

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Diɛt 100:2

Lamkï Bɛ̈nydït në miɛtëpiɔ̈u. Bäkkï të tɔ̈u Yen në diɛt ke miɛtëpiɔ̈u!

Diɛt 105:3

Jakï piɔ̈ɔ̈th miɛt në rinkɛn ɣeriic, tɔ kɔc ee Yen lam mit piɔ̈ɔ̈th.

Diɛt 106:5

Tɔ ya tïŋ kuɛth de kɔcku tɔ ya rɔm miɛtëpiɔ̈u wo jurdu ë tök, në miɛtëpiɔ̈u de lɛc ë kɔcku.

Diɛt 32:11

Yak piɔ̈ɔ̈th miɛt ku dalkï në Bɛ̈nydïtic, wek kɔc piɛthpiɔ̈ɔ̈th, në biäk de kë cïï ë Bɛ̈nydït looi. Wek kɔc ee yen riëëu, miɛtkï piɔ̈ɔ̈th wedhie!

Diɛt 92:4

Bɛ̈nydït, luɔi de riɛldu ee yɛn tɔ mit piɔ̈u, në biäk ye ka cï looi, yɛn tɔ kët në miɛtëpiɔ̈u.

Bɛ̈n 18:1

Jethro, monywun ë Mothe, bɛ̈ny dïït de kake Nhialic wun ë Midian, acï këriëëc cïï Nhialic luöi Mothe piŋ ëbɛ̈n, ku piŋ ka cï luöi kɔc ke Yithriɛl ɣɔn bïï en ke bei piny ë Rip.

Edhekiɛl 45:25

Në pɛɛi de dhorou, në kööl ë thiëër ku dhïc ë pɛɛi yic ku në nïn kadhorou de Dhuëëŋ de Kɛ̈ɛ̈t yic, yen miɔ̈c cït ee kënë de pal awɛ̈ɛ̈c, abï miɔ̈c cït ee kënë bɛ gam në biäk de miɔ̈c de awɛ̈ɛ̈c, miɔ̈c ye nyop ëbɛ̈n, ku miɔ̈c ë rap, ku miɔ̈c de miök de olip.”

Luɔi 16:34

Na wën, ke ke bïï ɣönde, ku tɛ̈ɛ̈u këcam ë kenïïm, ke mit piɔ̈u aläl, kekë dhiënde ëbɛ̈n, në gäm wën cï kek Nhialic gam.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!