2 Lëk 7:1 - JAM DE NHIALIC 2011

¹ Na wën cï Tholomon thök ë lɔ̈ŋ, go mac löny nhial ku nyop miɔ̈c wën cï gam, ku thiäŋ riau de dhuëëŋ de Bɛ̈nydït Luaŋdïtic.

2 Lëk 7:1 ပူးပေါင်းရင်းမြစ်များ

Cäk 15:17

Na wën, acï akɔ̈l lɔ piny, ku cï piny cuɔl, ke tööny tol, ku lɔ̈k ë many ë kuthyui ɣer ë pak ë ke go tïc ëthiäu, ku retkï rïŋiic.

1 Mel 18:24

Ku në tït ke Baal ë ke läŋ yanhden, ku yɛn bï Bɛ̈nydït lɔ̈ŋ, ku Nhialic lɔ lɔ̈ŋ piŋ ku tuuc mac piny nhial yen aye Nhialic.” Go kɔc gam kedhie ku luelkï an apiɛth.

1 Mel 18:38

Go Bɛ̈nydït mac tɔ bɔ̈ piny, go miɔɔr nyup, ku nyop tiim, ku nyop kur, ku nyop tiɔp, ku jiic pïïu awuölic.

1 Mel 9:1

Na wën aacï Tholomon Luaŋdït thöl në yïk, kekë ɣöndïït ë bäänyde, ku thöl këriëëc ë cï kiëët an bïï looi ëbɛ̈n.

1 Lëk 21:26

Go yïïŋ de Bɛ̈nydït yïk ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago lɔ̈ŋ, go Bɛ̈nydït lɔ̈ŋde bɛ̈ɛ̈r ku tɔ mac tɔ bɔ̈ paannhial bïï miɔ̈c bɛ̈n nyop ë yïk nɔm.

Diɛt 26:8

Yɛn nhiaar rëër ë Luaŋdïtic, të ye dhuëëŋdu tɔ̈u thïn.

Bɛ̈n 19:18

Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek.

Bɛ̈n 29:43

Ku Yɛn bï aa mat wokë kɔc ke Yithriɛl ëtɛ̈ɛ̈n, ku ëtɛ̈ɛ̈n abï dhuëëŋdï tɔ piɛth.

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Edhekiɛl 43:5

Go Wëi ya gap nhial, ku leer yɛn në kal yic thïn, të wën ë tiëŋ yɛn dhuëëŋ de Bɛ̈nydït ke cï Luaŋdït thiɔ̈ɔ̈ŋ.

Edhekiɛl 44:4

Go raan a jɔt leer yɛn në thoŋ të lɔ rut nu Luaŋdït thok tueŋ. Na wën aa tiëŋ Luaŋdït ke cï thiäŋ ke ɣɛɛr de riau de dhuëëŋ ë Bɛ̈nydït, guɔ rɔt cuat piny ke ya gut yanɔm piny,

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Malakai 3:4

Ku miɔ̈c de Jeruthalem ayï piny de Juda ëbɛ̈n abï Bɛ̈nydït keek jɔ ya gam në miɛtëpiɔ̈u cït man ɣɔn tueŋ në run ɣɔn cï tëëk.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Bäny 6:21

Go tunynhial kuïn cï pam, ku rïŋ jak në thieec nɔm, thieny wën muk ë yeciin. Go mac bɛ̈n në kuuric, ku nyop rïŋ kekë kuïn cï pam. Ku jɔ tunynhial ë Bɛ̈nydït guɔ määr në yenyin.