2 Lëk 6:30 - JAM DE NHIALIC 2011

³⁰ piŋ lɔ̈ŋden. Ye këden piŋ paannhial tëduön rëër yïn thïn, ku päl ë keek awɛ̈ɛ̈cken. Ee Yïn Yïtök yïn aŋic kë ye kɔc tak. Ye ŋɛk luööi cït man ë këdɛn rɔ̈ŋ ke yen,

2 Lëk 6:30 ပူးပေါင်းရင်းမြစ်များ

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

1 Lëk 29:19

Gämë wëndiën Tholomon piɔ̈n adöt bïï yen lööŋ cï lueel ëbɛ̈n aa riëëu, ku bïï Luaŋdït cän kake guiirë yïk.”

2 Lëk 6:29

piŋ lɔ̈ŋden. Na de raan de kɔckuön ke Yithriɛl cï piɔ̈u jiɛth në arɛɛm, ku cïk kecin jat nhial në lɔ̈ŋ ke ke wel kenïïm ee ɣön ë Bɛ̈nydïïtë

2 Lëk 6:31

ago kɔcku Yïn aa riëëu ku yek yï theek guöp në aköölkɛn pïïr kek ee piny cï gäm kuarkuɔ.

Diɛt 62:12

ku kë ee tɔ̈u ke Yïn Bɛ̈nydït ee nhiëër agɔk. Në luɔi Yïn raan ëbɛ̈n, gäm ariöp rɔ̈ŋ kekë luɔide.

Diɛt 7:10

Nhialic Yen aye köndï, Ee Yen ee kɔc lɔ piɔ̈ɔ̈th wai luök.

Kɛ̈ŋ 15:11

Na ye Bɛ̈nydït riäŋ cï thiaan paan ë thuɔɔu tïŋ, ka cïï kë nu ë kɔc piɔ̈ɔ̈th duëër bɛ kuc.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Edhekiɛl 18:30

“Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Jɔn 2:25

ku acïn cäätɔ duëër dhil kɔɔr cäätɔ bï këde raan lueel, yen guöp ee kë nu ë raan piɔ̈u ŋic.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”