2 Lëk 6:27 - JAM DE NHIALIC 2011

²⁷ Bɛ̈nydït piŋ lɔ̈ŋden paannhial, ku pälë awɛ̈ɛ̈c lïïmku kɔckuön ke Yithriɛl, ku nyuöth ë keek bïk këpiɛth aa looi. Ku Bɛ̈nydït tuöc ë keek deŋ, piny cï gäm keek bï aa këden athɛɛr.

2 Lëk 6:27 ပူးပေါင်းရင်းမြစ်များ

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Diɛt 119:33

Bɛ̈nydït, wɛ̈ɛ̈të yɛn në ka tɔ̈u ë lööŋku yiic, ku abä keek riëëu në akööl yiic ëbɛ̈n.

Diɛt 25:12

Raan ee Bɛ̈nydït riëëu, yen aye Bɛ̈nydït nyuöth kueer cï lɔc.

Diɛt 25:8

Bɛ̈nydït apiɛth ku le piɔ̈u wai, Yen aye kɔc cï wäc nyuöth kueer bïk kuany yic.

Diɛt 68:9

Yïn ee deŋ tɔ tueny youyou, ku tɔ pinyduön ë cï yal dëk,

Diɛt 94:12

Thieithieei në raan ye Bɛ̈nydït wɛ̈ɛ̈t, kɔc ye ke wɛ̈ɛ̈t në löŋdu!

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 42:3

Läŋë ke Bɛ̈nydït Nhialicda ke bï wo nyuöth kueer bï wok tɛ̈ɛ̈k, ku kë buk looi.”

Jeremia 5:24

Akënkï tak bäk ya riëëu, cakaa nɔn yan we tuöc deŋ yaak ku tuöc we deŋ ruël, ku gäm week rɛɛp yak tem ë ruöön thok ëbɛ̈n.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Edhekiɛl 34:26

“Abä ke thieei ku ta ke rɛ̈ɛ̈r në kuurdiën ɣeric lɔ̈ɔ̈m. Abä ke jɔ thieei në nyieer ke deŋ ëtɛ̈ɛ̈n të kɔɔr kek en.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Jowɛl 2:13

Takï piɔ̈ɔ̈thkuön cï dhuɔɔŋ nyooth dhiën ë piɔ̈u, Rɛ̈t ya wek lupɔɔ rɛt yiic acïï käŋ bï thöl. Puɔ̈kkï röt Bɛ̈nydït Nhialicdun. Në luɔi Yen adhuɛ̈ŋ ee piɔ̈u kok. Acie dap gɔ̈th, ku ee nhiëër agɔk nyuɔɔth, ee kɔc dap päl karɛc ku cïï kɔc lui këtuc.

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Dhek 10:1

Liɛpkï Bɛ̈nydït në deŋ yaak. Ee Bɛ̈nydït yen ee luät ke deŋ bɛ̈ɛ̈i, ku tɔ deŋ tueny, go këriëëc de raan ëbɛ̈n luɔk domic.

Jɔn 6:45

Ë gɔ̈ɔ̈r ë tït an, ‘Kɔc abïï ke wɛ̈ɛ̈t ë Nhialic kedhie.’ Ago raan ëbɛ̈n raan cï käŋ piŋ tëde Wääda, ku cï wëët, go bɛ̈n tëde yɛn.