2 Lëk 6:16 - JAM DE NHIALIC 2011

¹⁶ Ku ënɔɔnë Bɛ̈nydït, Nhialic de Yithriɛl, muk gutguut wään bä lɛ̈k wäär Debid an, yïn bï nɔm aa dɛ raan töŋ de dhiëndu bï lɔ̈ɔ̈k aa melik de Yithriɛl, të le kek aa kɔc ee lööŋku riëëu apiɛth cït man cï yen ye looi.

2 Lëk 6:16 ပူးပေါင်းရင်းမြစ်များ

1 Mel 2:4

Na lɔ ee kënë looi, ke Bɛ̈nydït abï löŋdɛn wään cï thɔ̈n ɛn döt ɣɔn lueel en en an, na lɔ käudu rëër në rëër rɔ̈ŋ ke täu duëër kek rëër, ku kuanykï Yacök në piɔ̈nden ëbɛ̈n, ku në wëiken ëbɛ̈n, ke yïn bï dɛ mïth bï aa meliik në thööny de Yithriɛl nɔm.

1 Mel 6:12

“Në biäk de Luaŋ yiɛ̈k ë Yɛn, na ye cath në wëëtdï yiic, ku ye luɔidï looi, ku ye lööŋkï muk kedhie ku cathë në keyiic, ke jamdï abä tɔ ye yic tëde yïn, jam wään cä lɛ̈k Debid wuur.

2 Lëk 13:5

“Kuöckï nɔn cïï Bɛ̈nydït Nhialic de Yithriɛl, män cïï kɔ̈u bï tɛɛm looi kekë Debid, ku gëm keek bääny de Yithriɛl kekë kuatde bïk cieŋ aɣet athɛɛr?

2 Lëk 21:7

ku acïï Bɛ̈nydït kɔɔr luɔi bïï yen bääny de dhiën ë Debid riɔ̈ɔ̈k, në biäk cï yen mät looi kekë Bɛ̈nydït, ku looi gutguut nɔn bïï käu de Debid kɔc wat ë ceŋ.

2 Lëk 23:3

Na wën aa cïk kenïïm kut ɣön ë Nhialic, go amatnɔm löŋ mac ëtɛ̈ɛ̈n ë Jowac wën melik. Go Jeɣoyada bɛ̈ny de kake Nhialic lɛ̈k keek an, “Kënë ee wën de Melik cï thou! Ku yen abï dhil aa melik ënɔɔnë, cït man cï Bɛ̈nydït gutguut looi luɔi yen käu de Debid kek abï aa bäny ë ceŋ.

2 Lëk 6:17

Ku ënɔɔnë Bɛ̈nydït, Nhialic de Yithriɛl, tɔ këriëëc ëbɛ̈n cï yïn gutguut luöi lïmduön Debid ee yic.

2 Lëk 7:17

Na lɔ Ya lɔ luööi në piɔ̈n adöt cït man cï ë wuur Debid ye looi, ku riëëuwë lööŋkï, ku loi këriëëc cä lueel ëbɛ̈n,

2 Lëk 7:18

Yɛn bï gutguut cä luöi wuur Debid looi, wään lɛ̈k Ɛn en an, kɔc ke Yithriɛl abï kuatdu keek aa wat ë ceŋ.

Diɛt 119:1

Thieithieei në kɔc ee cath në kuɛɛr cïn yiic gääk, ku yek ceŋ ke ke döt lööŋ ke Bɛ̈nydït.

Diɛt 119:9

Duëër dhuök pïïrden tɔ lɔ wai adï? Ee në riëëu bï kek lööŋku aa riëëu.

Diɛt 132:11

Yïn cï awunduön Debid luöi gutguut, gutguut cï bï dak nɔm ciëën: an, “Yɛn bï wën töŋdu tɔ ee melik, ku abï bääny muk në yïcök.

Diɛt 132:12

Na gam mïthku mändï ku gamkï liööŋ cä gäm keek, wɛ̈ɛ̈tken aya abïk lɔ̈ɔ̈k aa meliik ëceŋ aya në yïcök.”

Diɛt 26:3

Në luɔi ye nhiëërduön agɔk ya wat, ku piɔ̈nduön adöt ee ya caath, yɛn rɛ̈ɛ̈r ë riëëudu yic ë ceŋ.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.